(ویب ڈیسک)معروف قوال غلام فرید صابری کوبچھڑے31 برس بیت گئے،آج ان کی 31 ویں برسی منائی جارہی ہے۔
1930 کو مشرقی پنجاب میں پیدا ہونے والے غلام فرید صابری نے قیام پاکستان کے بعد خاندان سمیت ہجرت کر کے کراچی میں سکونت اختیار کی،موسیقی کی ابتدائی تعلیم اپنے والد استاد عنایت حسین صابری سے حاصل کی اور پہلی پرفارمنس پیرمبارک شاہ کے سالانہ عرس میں 11 برس کی عمر میں دی۔
انہوں نے پہلی قوالی 1958 میں ریکارڈ کروائی،بعد میں ان کے چھوٹے بھائی مقبول صابری بھی ان کے ساتھ شامل ہو گئے اور صابری برادران کے نام سے اس جوڑی نے 70 اور80 کے عشرے میں سب کو پیچھے چھوڑ دیا۔
صابری برادران نے نہ صرف پاکستان بلکہ دنیا کے بیشتر ممالک میں اپنی آواز کا جادو جگایا،انہوں نے نعتیہ قوالی میں نئی جدتیں متعارف کروائیں،1975 میں گائی قوالی تاجدار حرم نے شہرت کو دوام بخشا۔
یہ بھی پڑھیں:معروف ہالی ووڈ اسٹار پر ریپ کے سنگین الزامات عائد
ایک دور میں ان کے آڈیو کیسٹس کی ریکارڈ فروخت ہوتی تھی،غلام فرید صابری اور مقبول صابری نے فلموں کے لئے بھی یادگار قوالیاں ریکارڈ کروائیں۔
یہ نامور قوال 5اپریل 1994 کو علالت کے بعد کراچی میں انتقال کرگئے تھے۔