اوکاڑہ:مہندی کے فنکشن کیلئے آنیوالی سٹیج ڈانسر جنسی زیادتی کے بعد قتل
Stay tuned with 24 News HD Android App
(24نیوز)پنجاب کے ضلع اوکاڑہ میں سٹیج ڈانسر چندہ علی کو جنسی زیادتی کے بعد قتل کردیا گیا۔
رپورٹ کے مطابق اوکاڑہ تھانہ گوگیرا کی حدود 34 جیڑی سے خاتون کی نعش برآمد ہوئی، معاملہ کا ڈی پی او اوکاڑہ راشد ہدایت نے واقعہ کا نوٹس لیا۔
قتل ہونے والی لڑکی کا نام چندہ علی سٹیج ڈانسر تھی جو کہ کل عارف والا سے مہندی کا فنکشن کرنے اوکاڑہ آئی تھی۔خاتون کو فائرنگ کر کے قتل کرنے کے بعد رات گئے نامعلوم ملزمان لاش کو قریبی کھیتوں میں پھینک کر فرار ہوئے۔
یہ بھی پڑھیں:سونے کی قیمت کو ریورس گیئر لگ گیا، ایک ہی دن میں ہزاروں روپے سستا
لواحقین کا کہنا تھا کہ ہماری بیٹی کو زیادتی کے بعد قتل کیا گیا ہے جبکہ حکام نے کہا کہ میڈیکل رپورٹ آنے کے بعد حقائق سامنے آئیں گے۔ترجمان پولیس عرفان سندھو کے مطابق اطلاع پر تھانہ گوگیرہ پولیس موقع پر پہنچی اور لاش کو پوسٹ مارٹم کیلئے ڈی ایچ کیو ہسپتال منتقل کیا۔
ترجمان پولیس نے کہا کہ مزید تحقیقات جاری ہے، ڈی پی او اوکاڑہ نے ملزمان کی فوری گرفتاری کے لیے متعلقہ ایس ایچ او کو ہدایت جاری کردی ہے۔
لاش کی شناخت نہ ہونے پر پہلے ہی پولیس کی مدعیت میں ایف ائی آر درج کی جا چکی ہے، پولیس ایپ کی مدد سے خاتون کی شناخت کی گئی، قتل کی گئی خاتون کا تعلق ضلع پاک پتن سے ہے۔
یہ بھی پڑھیں:متحدہ عرب امارات میں عید الاضحیٰ کی تاریخ کا اعلان، پاکستان میں کب ہوگی؟جانیے