بنگلہ دیش:سول نافرمانی تحریک،وزیراعظم کے استعفے کا مطالبہ،فورسز مظاہرین پر ٹوٹ پڑیں، مرنیوالوں کی تعداد300ہوگئی 

(ویب ڈیسک )بنگلہ دیشی فوجی حکام نے  بنگلہ دیش  کرکٹ بورڈ ہیڈ کوارٹر کا دورہ کیا،انہوں نے وہاں موجود عہدیداروں کو کام جاری رکھنے اور سکیورٹی کی پیشکش کے ساتھ ساتھ دورہ پاکستان سمیت ٹیموں کیلئے پلان مرتب کرنے کی ہدایت بھی کی ہے۔

عوامی لیگ کی حکومت کے خاتمے کے بعدبنگلہ دیش غیر یقینی صورتحال سے دوچار ہے تاہم عبوری حکومت کے اعلان کے بعد حالات میں کچھ بہتری آرہی ہے ، ملک کے دیگر حصوں کی طرح بی سی بی نے بھی کچھ معمول پر آنے کی کوشش کی ہے اور کرکٹ بورڈ کے کچھ عہدیدار کام پر واپس آگئے ہیں کیونکہ انقلاب سے پہلے بی سی بی مختلف ٹیموں کے لیے کئی اسائنمنٹس  پر کام کررہاتھاجس میں رواں ماہ  بنگلہ دیشی قومی ٹیم کا دورہ  پاکستان بھی شامل ہے۔

بنگلہ دیشی فوجی حکام کے دورے کے دوران اگرچہ بی سی بی کے صدر نظم الحسن پاپون سمیت کئی عہدیدار غیر حاضر تھے تاہم جو لوگ موجود تھے انہوں نے بتایا کہ وہ پہلے سے طے شدہ منصوبوں کے مطابق کام کر رہے ہیں،انہوں نے کہاکہ  بنگلہ دیش میں ہونےوالے ٹورنامنٹ کے بارے میں فیصلہ 10 اگست تک ہونے کا امکان ہے۔

بی سی بی کے چیف ایگزیکٹیو آفیسر نظام الدین چودھری بی سی بی کے دفاتر میں غیر حاضر تھے لیکن جب ان سے رابطہ کیا گیا تو انہوں نے بتایا کہ بورڈ کی موجودہ طرز حکمرانی پر کوئی فیصلہ نہیں ہوا ،صورتحال اب بھی قدرے غیر یقینی کاشکار ہے۔قومی ٹیم کی  پاکستان  روانگی کے منصوبے بنائے جا رہے ہیں اوراس حوالے سے آئندہ48 گھنٹوں میں ہم فیصلہ کریں گے۔

(24نیوز)سابق وزیراعظم بنگلہ دیش اور اپوزیشن لیڈر خالدہ ضیا کو رہا کردیا گیا۔

 ترجمان بی این پی  نے کہاہے کہ سابق وزیراعظم خالدہ ضیا کو جیل سے رہا کردیا گیا، دوسری جانب بنگلہ دیشی طالب علم رہنماؤں کی صدر شہاب الدین کو پارلیمنٹ تحلیل کرنے کیلئے دی گئی ڈیڈلائن ختم ہو گئی، صدر نے بنگلہ دیشی پارلیمنٹ کو تحلیل کردیا ہے۔ 

یاد رہے کہ طلبا کے لیڈر نے ناہیدالاسلام نے گرامین بنک کے سربراہ ڈاکٹر محمد یونس کو عبوری حکومت کا سربراہ بنانے کا مطالبہ کیا ہے،ڈاکٹر محمد یونس نے طلبا کی پیش کش کو قبول کرلیا ہے اور پیرس واپس پہنچنے کا وعدہ کیا ہے۔انہوں نے کہا ہے کہ عوام قانون کی عملداری کو یقینی بنائے۔

ضرور پڑھیں:بنگلا دیشی صدر نے طلبا تحریک کے مطالبے پر پارلیمنٹ تحلیل کردی

واضح رہے کہ حسینہ واجد کی حکومت کے خاتمے کے بعد ملک سے کرفیو ختم کردیا گیا ہے جبکہ تمام تعلیمی ادارے کھل گئے ہیں ۔

(ویب ڈیسک)بنگلہ دیش میں شیخ حسینہ واجد کی حکومت کے خاتمے کے اگلے روز فوج نے ملک سے کرفیو اٹھالیاجبکہ ملک بھرکے تعلیمی ادارے بھی کھل گئے ہیں جبکہ گرامین بنک کے سربراہ ڈاکٹر محمد یونس نے ملک کو آزاد قراردے دیا ۔

برطانوی نشریاتی ادارے کی رپورٹ کے مطابق بنگلادیشی فوج کے پبلک ریلیشن ڈیپارٹمنٹ نے ملک سے کرفیو اٹھانے کا اعلان کرتے ہوئے ملک بھرمیں تعلیمی ادارے بھی کھول دیے  ہیں۔

رپورٹ میں بتایا گیا ہے کہ دارالحکومت ڈھاکا سمیت مختلف شہروں میں اسکول، کالجز اور یونیورسٹیاں توکھل گئی ہیں مگر طلبہ کی تعداد بہت کم ہے ،ڈھاکا یونیورسٹی کے طلبہ کی ایک بڑی تعداد تعلیمی اداروں کی بندش اور ملکی حالات کی وجہ سے آبائی علاقوں کو چلی گئی تھی جن کی واپسی میں ابھی وقت لگے گا۔ بنگلادیشی اساتذہ کی تنظیم ' آج ایک اجلاس میں تعلیمی سرگرمیوں کی بحالی سے متعلق  آئندہ کا لائحہ عمل طے کرے گی جبکہ  گارمنٹس مینوفیکچررز نے ابھی ملک بھر میں گارمنٹس فیکٹریاں بند رکھنے کافیصلہ کیاہے۔

ضرورپڑھیں:عوامی احتجاج رنگ لے آیا،بنگلہ دیشی وزیر اعظم نے گھٹنے ٹیک دئیے،شیخ حسینہ واجد استعفیٰ دے کر ملک سے فرار
 دوسری جانب بنگلادیش میں گرامین بنک کے سربراہ  نوبیل انعام یافتہ ڈاکٹر محمد یونس نے حسینہ واجد کے اقتدار کے خاتمے کے بعد ملک کو آزاد قرار دے دیا۔ایک انٹرویو میں ڈاکٹر یونس نے کہا کہ  جب تک حسینہ واجد ملک پرقابض تھیں ہم ایک مقبوضہ ملک میں تھے کیونکہ وہ ایک مقبوضہ فورس، ڈکٹیٹر اور فوجی جنرل کی طرح رویہ رکھتی تھیں لیکن آج بنگلادیش کا ہر شہری خود کو آزاد محسوس کررہا ہے۔ڈاکٹرمحمدیونس  نے امید ظاہر کی ہےکہ شیخ حسینہ کی حکومت کا تختہ الٹنے والے یہی نوجوان اب ملک کو درست سمت کی طرف لے کر جائیں گے اور اس کی سربراہی کریں گے۔

میڈیا رپورٹس کے مطابق شیخ حسینہ واجد کی حکومت نے ڈاکٹر یونس پر 190 مقدمات قائم کیے تھے اور وہ اس وقت ضمانت پر ہیں۔دوسری طرف حسینہ واجد کی حکومت کے خاتمے کے بعد بنگلادیشی طلبہ تحریک نے ڈاکٹر یونس کی سربراہی میں عبوری حکومت کے قیام کا مطالبہ کیا ہے۔

(24 نیوز)طلبہ کا احتجاج رنگ لے آیا،بنگلہ دیشی وزیر اعظم نے گھٹنے ٹیک دئیے استعفیٰ دے کر ملک سے فرار ہوگئیں۔

بنگلہ دیش میں عوامی احتجاج رنگ لے آیا، حکومت کو گھٹنے ٹیکنے پڑ گئے، وزیر اعظم شیخ حسینہ واجد نے استعفیٰ دے دیا، فوجی ہیلی کاپٹر پر ملک چھوڑ کر بھارت روانہ ہوگئیں، بنگلہ دیشی میڈیا کے مطابق حسینہ واجد فوجی ہیلی کاپٹر میں بھارت روانہ ہوئیں جہاں سے ان کے فن لینڈ جانے کا امکان ہے، حسینہ واجد کو تقریر ریکارڈ کرانے کاموقع بھی نہیں دیا گیا۔
بنگلہ دیش کی سڑکوں پر موجوود لاکھوں مظاہرین شیخ حسینہ واجد کی رہائش گاہ میں داخل ہوگئے، مظاہرین نے مجیب الرحمٰن کا مجسمہ بھی توڑ ڈالا،بنگلہ دیش میں ملازمتوں میں کوٹہ سسٹم کےخلاف طلبہ کے احتجاج سینکڑوں لوگ مارے گئے ہزاروں گرفتار کر لئے گئے تھے۔
وزیر اعظم شیخ حسینہ واجد نے مظاہرین کو دہشتگرد قرار دیتے ہوئے پوری طاقت سے کچلنے کے احکامات جاری کئے تھے ،بنگلادیش کی فوج کے سربراہ جنرل وقار الزماں نے تھا کہا عوام کے جان و مال سمیت سرکاری تنصیبات کا تحفظ ہر قیمت پر یقینی بنایا جائے گا۔

بھارتی میڈیا کی رپورٹ کے مطابق بنگلہ دیش کے آرمی چیف نے وزیر اعظم حسینہ واجد کو مستعفی ہونے کے لیے 45 منٹ کی ڈیڈ لائن دی تھی۔بنگلہ دیش کی وزیراعظم حسینہ واجد اور ان کی بہن کو سرکاری رہائش گاہ سے محفوظ مقام پر منتقل کر دیا گیا ہے۔  شیخ حسینہ واجد نے تقریر ریکارڈ کروانے کی کوشش بھی کی لیکن اُنہیں تقریر ریکارڈ کروانے کا موقع نہیں دیا گیا۔

یہ بھی پڑھیں:پاور سیکٹر کے ڈھانچے میں تبدیلی کیلئے ٹاسک فورس قائم

بنگلہ دیشی عوام جشن منارہے ہیں،ڈپریشن نامی ایک فیس بک پیج سے پوسٹ کی گئی ہے جس کے کیپشن میں لکھا گیا ہے کہ ایک بار پھر آزادی حاصل کرلی ۔ویڈیو میں دیکھا جاسکتا ہے کہ لوگ رنگ برنگے غبارے ہوا میں چھوڑ رہے ہیں ۔