2024 کے مقبول پاکستانی یوٹیوب چینلز کی فہرست جاری

(ویب ڈیسک) یوٹیوب نے پاکستان میں 2024 کی سب سے زیادہ مقبول کانٹینٹ کریئٹرز کی فہرست جاری کر دی ہے، جو ملک کے ڈیجیٹل منظرنامے کی بدلتی تصویر پیش کرتی ہے۔

 اس سال کی فہرست تین کیٹیگریز پر مشتمل ہے جن میں ٹاپ ٹرینڈنگ ویڈیوز، ٹاپ میوزک ویڈیوز، اور ٹاپ کریئٹرز شامل ہیں جو پاکستانی ناظرین کی دلچسپیوں اور مواد کی تخلیق کے رجحانات کو نمایاں کرتی ہیں۔

ٹاپ کریئٹرز کی فہرست میں ایسے افراد شامل ہیں جو اپنی تخلیقی صلاحیت اور لوگوں کو اپنی طرف متوجہ کر کے انٹرٹینمنٹ بھرے مواد سے لاکھوں ناظرین کو متاثر کرتے ہیں۔ ان میں رجب کی فیملی، انایا ایشال فیملی، ارشد ریلز، اور ڈاکٹر امتیاز احمد جیسے چینلز شامل ہیں، جو مختلف موضوعات جیسے فیملی وی لاگنگ، لائف اسٹائل، صحت، اور تعلیمی مواد کا احاطہ کرتے ہیں۔

یاد رہے کہ یوٹیوب ایک ایسا پلیٹ فارم ہے جو کریئٹرز کو سامعین کے ساتھ جڑنے، کمیونٹیز بنانے، اور اپنے کاروبار کو بڑھانے کا موقع فراہم کرتا ہے۔ اس سال ایسے کریئٹرز کی تعداد میں 25 فیصد اضافہ ہوا ہے جو یوٹیوب سے سالانہ 10 ملین روپے یا اس سے زیادہ کماتے ہیں۔

یہ بھی پڑھیں : شہریوں کیلئے اچھی خبر،بجلی کی قیمت میں کمی؟

2024 کے مقبول کریئٹرز میں پاکستان سے رجب کی فیملی فہرست میں سب سے پہلے نمبر پر براجمان ہیں دوسرے نمبر پر انایا ایشال فیملی، تیسرے نمبر پر ارشد ریلز، چوتھے پر یو آر کرسٹیانو جبکہ 5ویں پر ڈکی بھائی اور 6 پر سسٹرولوجی اور دیگر شامل ہیں۔

جبکہ ٹاپ میوزک ویڈیوز نے موسیقی کی عالمی یکجہتی کی عکاسی کی، جن میں پنجابی، بالی ووڈ اور پاکستانی گانے شامل ہیں۔ ان گانوں نے سرحدوں سے بالاتر ہوکر سامعین کو اپنی جانب متوجہ کیا۔

دوسری جانب مقبول ویڈیوز کی فہرست میں مقامی ڈرامے، جیسے ’عشق مرشد‘، ’جان نثار‘ اور کبھی میں کبھی تم ٹاپ تھری میں شامل رہے۔