بگ بیش لیگ،121میٹرلمباچھکا،بال دوسرے سٹینڈ میں جاکرگری
Stay tuned with 24 News HD Android App
( ویب ڈیسک)آسٹریلیا کی بگ بیش لیگ میں میلبرن سٹارز کے بیٹر ہلٹن کارٹ رائٹ نے 121 میٹر کا چھکا لگا شائقین کرکٹ کو حیران کردیا۔
میلبرن کے تاریخی کرکٹ گراؤںڈ بگ بیش لیگ کے 23ویں میچ میں رینیگیڈز اور سٹارز کی ٹیمیں مدمقابل تھیں جہاں میزبان ٹیم کے بیٹر ہلٹن کارٹ رائٹ نے 121 میٹر کا چھکا لگا کر دنیائے کرکٹ کو حیران کردیا۔
سٹارز کی ٹیم نے ٹاس جیت کر رینیگیڈز کو پہلے بیٹنگ کی دعوت دی، میلبرن سٹارز کی ٹیم نے شاندار باؤلنگ کا مظاہرہ کیا اور حریف ٹیم کو 168 کے مجموعے تک محدود رکھا۔
مزید پڑھیں:کراچی میراتھون:7 سالہ محمد حارث کا ورلڈ ریکارڈ
ہدف کے تعاقب میں سٹارز نے 3 وکٹیں گنوائیں لیکن بین ڈکٹ نے اپنی شاندار ففٹی اور مارکس سٹوئنس نے شاندار 48 رنز بنائے جس نے میلبورن سٹارز کو کھیل میں برقرار رکھا۔
بعدازاں گلین میکسویل اور ہلٹن کارٹ رائٹ نے ذمہ داری سنبھالی اور آخری اوور میں 10 رنز درکار تھے کہ بیٹر نے چھکا لگا کر میچ ٹیم کو جتوادیا۔
20ویں اوور کی تیسری گیند پر ٹام راجرز نے آف اسٹمپ کے باہر یارکر پھینکنے کی کوشش کی لیکن ہلٹن کارٹ رائٹ نے اس پر 121 میٹر کا جھکا جڑ دیا، بال اسٹیڈیم کے دوسرے سٹینڈ میں جاکر گری جبکہ میچ دیکھنے والے فینز کی آنکھوں سے بال اوجھل ہوگئی۔
خیال رہے کہ بین الاقوامی کرکٹ میں سب سے لمبا چھکا لگانے کا ریکارڈ شاہد آفریدی کے پاس ہے جنہوں نے جنوبی افریقا کیخلاف 153 میٹر لمبا چھکا لگایا تھا تاہم یہ آفیشل نہیں ہوسکا تھا۔