اداکار عماد عرفانی کاعلامہ اقبال سے کیارشتہ ہے؟اہم انکشاف سامنے آگیا
Stay tuned with 24 News HD Android App
(ویب ڈیسک) معروف اداکار عماد عرفانی کے بارے میں انکشاف ہوا ہے کہ وہ شاعرِ مشرق علامہ اقبال کے خاندان سے تعلق رکھتے ہیں۔
عماد عرفانی نے حال ہی میں پاکستان ٹیلی ویژن کے پروگرام میں بطور مہمان شرکت کی،پروگرام کے میزبان میاں یوسف صلاح الدین اور اداکارہ سونیا حسین نے خوبصورت انداز میں عماد عرفانی کا تعارف کروایا۔
عماد عرفانی نے انتہائی گرمجوشی سے استقبال کرنے پر میزبانوں کا شکریہ ادا کرتے ہوئے کہا کہ لوگوں کو شاید یہ بات نہیں معلوم کہ میں اور یوسف انکل رشتہ دار بھی ہیں۔
یہ بات سن کر میاں یوسف صلاح الدین نے کہا کہ ہماری رشتے داری کے بارے میں لوگوں کو میں بتاؤں گا،اُنہوں نے بتایا کہ عماد عرفانی کی پڑدادی علامہ اقبال کی بہن تھیں۔
میاں یوسف صلاح الدین کی بات مکمل ہونے پر عماد عرفانی نے کہا کہ یوسف انکل سے جب بھی ملاقات ہوتی ہے تو مجھے کچھ نہ کچھ سیکھنے کو ملتا ہے،اداکارنے پروگرام کی تعریف کرتے ہوئے کہا کہ میں نے یہ پروگرام سوشل میڈیا پر دیکھا تھا اور آج پہلی بار خود شرکت کی تو پتہ چلا کہ یہ واقعی بہت شاندار ہے۔
یہ بھی پڑھیں:شان اورسید نور فلم انڈسٹری کی تباہی کے ذمہ دار ہیں،سعودکاالزام
سوشل میڈیا پر اس پروگرام کا یہ ویڈیو کلپ وائرل ہوگیا ہے اور صارفین کی جانب سے اداکار کے علامہ اقبال کے ساتھ رشتے پر حیرت کا اظہار کیا جا رہا ہے۔
واضح رہے کہ میاں یوسف صلاح الدین شاعر مشرق علامہ اقبال کے نواسے ہیں۔