گرج چمک کیساتھ بارش اور برفباری،محکمہ موسمیات کی اہم پیش گوئی

(روزینہ علی)محکمہ موسمیات نے ملک کے مختلف حصوں میں گرج چمک کے ساتھ بارش اور پہاڑوں پر برفباری کی پیش گوئی کردی۔

رپورٹ کے مطابق آج رات  ملک کے بیشترعلاقوں میں موسم سرد اور خشک جبکہ پہاڑی علاقوں میں شدید سرد رہنےکا امکان ہے ۔ تاہم بالائی خیبر پختونخوا ، گلگت بلتستان، کشمیر ، شمال مشرقی پنجاب ،مری ،گلیات اورگردونواح میں مطلع ابرآلود رہنے کے علاوہ چند مقامات پر گرج چمک کے ساتھ بارش اور پہاڑوں پربرفباری کا امکان ہے۔ پنجاب کے زیادہ تر میدانی علا قوں اور بالائی سندھ میں درمیانی سے شدید دُھند چھائے رہنے کی توقع ہے۔

یہ بھی پڑھیں:انوشکا نے کس بھارتی اداکار کا پرپوزل ٹھکرایا تھا ؟ رنبیر نے سرنیم بتا کر بھانڈا پھوڑ دیا

سوموار کے روز موسم کی صورتحال کے حوالے محکمہ موسمیات کاکہناتھا کہ اسلام آباد اور گردونواح میں مطلع جزوی ابرآلود رہنے کے علاوہ صبح کے اوقات میں چند مقامات پرہلکی بارش /بوندا باندی ہو سکتی ہے۔خیبرپختونخوا کے بیشتر اضلاع میں موسم سرد اور خشک جبکہ پہاڑی علاقوں میں صبح/رات میں شدید سرد رہنےکا امکان ہے ۔تاہم چترال، دیر، سوات، کو ہستان ، شانگلہ، بٹگرام، مانسہرہ اورایبٹ آباد میں چند مقامات پر گرج چمک کے ساتھ ہلکی بارش/ برفباری کا امکان ہے ۔صبح/رات کے اوقات میں بنوں،لکی مروت، ڈیرہ اسماعیل خان ،پشاور، نوشہرا،مردان، صوابی اور گردو نواح میں ہلکی سے درمیانی دھند پڑنے کی توقع ہے۔

ادھرپنجاب کے بیشتر اضلاع میں موسم سرد اور خشک رہنے کا امکان ہے۔تاہم مری، گلیات اورگردونواح میں ہلکی بارش/برفباری متوقع ہے۔ صبح /رات کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، قصور ،ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں درمیانی سے شدید دھند چھائے رہنے کی توقع ہے۔

یہ بھی پڑھیں:تعلیمی ادارے کب کھلیں گے؟تاریخ سامنے آ گئی

بلوچستان کے بیشتر اضلاع میں موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنےکا امکان  ہے۔سندھ کے بیشتر اضلاع میں موسم سرد اورخشک رہنے کا امکان  ہے۔تاہم صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی توقع ہے۔

کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر بارش / برفباری کا امکان ہے۔

آج کم سےکم درجہ حرارت زیارت منفی 11،قلات منفی 09،کو ئٹہ منفی 08،گوپس منفی 06،پاراچنار،بگروٹ منفی 04، ہنزہ اور لہہ میں منفی 03 ڈگری سینٹی گریڈ ریکارڈ کیا گیا۔

یہ بھی پڑھیں:جنوبی افریقی بولر آپے سے باہر، بابراعظم کو گیند مار دی