تیزہواؤں اور گرج چمک کیساتھ بارش کی پیش گوئی، سیلابی صورتحال کا خدشہ

(روزینہ علی)محکمہ موسمیات نے اسلام آباد، لاہور، پشاورسمیت ملک کے دیگر شہروں میں بارش کا امکان ظاہر کیا ہے۔

رپورٹ کے مطابق  اسلام آباد اور گر دو نواح میں تیز ہواؤں اور گرج چمک کے ساتھ مزید بارش کا امکان ہے ۔اس دوران چند مقاما ت پرموسلادھار بارش بھی متوقع ہے۔ادھرخیبرپختونخوا کے علاقوں       بالاکوٹ، مانسہرہ ، ایبٹ آباد،بونیر ، مالاکنڈ، چترال، دیر،سوات ، شانگلہ ، بٹگرام، ہری پور، صوابی،مردان، نوشہرہ، پشاور، کوہاٹ، ہنگو،کرک، ٹانک، خیبر، مہمند،باجوڑ،کرم ، لکی مروت،وزیرستان، بنوں اورڈیرہ اسماعیل خان میں تیز ہواؤں اور گرج چمک کے ساتھ بارش جبکہ چند مقاما ت پر موسلادھار بارش  کا امکان ظاہر کیا گیا ہے۔

رپورٹ کے مطابق پنجاب کے علاقوں مری ،گلیات ،راولپنڈی ، جہلم، چکوال، اٹک، منڈی بہاؤالدین ، گجرات،گوجرانوالہ، نارووال ،سیالکوٹ ،لاہور، قصور، اوکاڑہ، شیخوپورہ، حافظ آباد، فیصل آباد ، جھنگ ، ٹوبہ ٹیک سنگھ ، میانوالی، سرگودھا اور خوشاب میں تیز ہواؤں اور گرج چمک کے ساتھ وقفے وقفے سے مزیدبارش کا امکان ہے ۔اس دوران چند مقامات پر موسلادھار بارش بھی متوقع ہے۔ جبکہ بھکر،لیہ،تونسہ ،راجن پور،ڈی جی خان، ملتان، ساہیوال ،خانیوال،پاکپتن، بہاولنگر اوربہاولپور میں بھی چند مقامات پر آندھی اور گرج چمک کے ساتھ بارش کا امکان  ہے۔

رپورٹ کے مطابق بلوچستان کے بیشتر اضلاع میں موسم گرم اور مرطوب رہے گا ۔ کوئٹہ، زیارت،پشین، قلعہ عبداللہ، قلعہ سیف اللہ، ژوب،بارکھان، کوہلو،شیرانی ، موسیٰ خیل ،قلات، خضدار، لسبیلہ اور گردونواح میں تیز ہواؤں اور گرج چمک کے ساتھ بارش کا امکان  ہے، اس دوران چند مقاما ت پرموسلادھار بارش بھی متوقع ہے۔اسی طرح سندھ کے بیشتر اضلاع میں موسم گرم اور مرطوب رہنے کا امکان ہے، ادھر کشمیر اور  گلگت بلتستان میں چند مقامات پر گرج چمک کے ساتھ بارش کا امکان  ہے۔

آج (رات) سے 07 جولائی کے دوران تیز/ موسلا دھار بارش سے اسلام آباد، راولپنڈی، مری، گلیات، مانسہرہ، کوہستان، ایبٹ آباد، دیر، سوات، کشمیر ،شمال مشرقی بلوچستان اورڈیرہ غازی خان کے پہاڑی ندی نالوں میں سیلابی صورتحال /طغیانی کا خطرہ جبکہ لاہور، سیالکوٹ، گوجرانوالہ، نارووال، راولپنڈی، فیصل آباد اور پشاور میں اربن فلڈ نگ کا خدشہ ظاہر کیا گیا ہے ۔شدید بارشوں کے باعث خیبرپختونخوا کے پہاڑی علاقوں ، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

یہ بھی پڑھیں: نورا فتیحی شادی کے بندھن میں بندھ گئیں؟وائرل تصاویر نے مداحوں کو تجسس میں ڈال دیا