( 24 نیوز )صدر ڈونلڈ ٹرمپ کی جانب سے امریکی کانگریس کے مشترکہ اجلاس سے خطاب کے دوران دہشتگردی کے خلاف پاکستان کی کاوشوں کی تعریف سامنے آںے کے بعد سوشل میڈیا پر تبصروں کی بھرمار ہے، جن میں مختلف نے آراء دیکھنے کو ملیں۔
اس دوران ٹرمپ کا یہ بیان سوشل میڈیا پر خوب وائرل ہوا، خصوصاً پی ٹی آئی مخالف پاکستانیوں نے اسے شئیر کیا۔
انہی میں سے ایک بھارتی ’ایکس‘ صارف نے تواجہ دلاتے ہوئے لکھا کہ ٹرمپ نے دہشت گردی کے ایک مشتبہ ملزم کی گرفتاری میں تعاون پر پاکستان کا شکریہ ادا کیا، جبکہ امریکی کاروں پر محصولات کے حوالے سے بھارت کو تنقید کا نشانہ بنایا۔
یہ بھی پڑھیں:امریکی صدر کا افغانستان میں دہشتگردی کیخلاف تعاون پر پاکستان سے اظہار تشکر
فواد رحمان نامی ایکس صارف نے لکھا کہ صدر ٹرمپ نے اپنے پہلے مشترکہ خطاب میں پاکستان کا شکریہ ادا کیا، پی ٹی آئی امریکہ اور عمران خان کے لیے تباہ کن خبر — رہائی کے لیے جمع کیے گئے لاکھوں ڈالر ضائع ہو گئے۔ ٹرمپ کے الفاظ پاکستان کی حکومت کے حوالے سے امریکی مؤقف میں تبدیلی کا اشارہ دیتے ہیں، جو ان کے مقصد کے لیے بڑا دھچکا ہے۔
اسی طرح حفصہ ملک نے لکھا کہ پاکستان اور امریکہ تمام دہشت گردوں کو واضح پیغام دے رہے ہیں کہ زمین پر تمہارے لیے کوئی جائے پناہ نہیں۔
انہوں نے پی ٹی آئی کو نشانہ بناتے ہوئے لکھا کہ تمہارا لابنگ پر خرچ کیا گیا پیسہ ضائع گیا، ریاستیں ریاستوں سے معاملات کرتی ہیں،کوئی فرد یا شخص خود ریاست نہیں ہوتا۔
ایک صارف نے لکھا کہ میری تعزیت تمام پی ٹی آئی کے اوورسیز مسخروں سے ہے ۔
مذکورہ صارف نے شہباز گل، زلفی بخاری، عادل راجہ، جبران الیاس، وجاہت خان، قاسم خان سوری، اظہر مشوانی اور دیگر کو ٹیگ کرتے ہوئے لکھا کہ تم لوگوں نے سوچا تھا کہ سوشل میڈیا پر مسخرہ پن کچھ حاصل کروا دے گا؟ لو، تمہارے ”ابو“ خود ”حکومتِ پاکستان“ کا شکریہ ادا کر رہے ہیں!