روپے کی بے قدری جاری، ڈالر مزید مہنگا ہو گیا

 (اشرف خان)درآمدی بل کی طلب پر ڈالر مہنگا ہو گیا۔

سٹیٹ بینک آف پاکستان کے مطابق انٹربینک میں امریکی ڈالر 10 پیسے مہنگا ہوگیا،انٹربینک میں ڈالر 279.77 روپے سے بڑھ کر 279.87 روپے پر بند ہوا۔

ماہرین کاکہنا ہے کہ درآمدی بل مسلسل بڑھنے کی وجہ سے روپے پر پریشر دیکھا جارہا ہے ۔

دوسری جانب اوپن مارکیٹ میں امریکی ڈالر 7 پیسے بڑھ کر 281.30 روپے ،یورو 4.08 روپے مہنگا ہوکر 299.59 روپے، برطانوی پاؤنڈ 2.86 روپے اضافے سے 360.36 روپے ،سعودی ریال 4 پیسے مہنگا ہوکر 75روپے پر پہنچ گیا۔

اوپن مارکیٹ میں یو اے ای درہم 76.60 روپے پر برقرار  ہے۔

 یہ بھی پڑھیں:سونا ایک بار پھر مہنگا ہو گیا،خریدار پریشان