(ویب ڈیسک)بھارت کی فلم انڈسٹری بالی ووڈ میں حالیہ برسوں میں کئی نئے رجحانات سامنے آئے ہیں، جن میں سے ایک رحجان یہ ہے کہ سائوتھ انڈین (جنوبی بھارت)کے فلمی اداکاروں نے بالی ووڈ میں اپنی جگہ بنا لی ہے جس کی وجہ سے بالی ووڈ اداکاروں کا فلمی کیرئیر خطرے میں پڑ گیا ہے۔
بھارتی ذرائع ابلاغ کی ایک رپورٹ کے مطابق پہلے صرف جنوبی بھارتی فلموں کا ری میک بالی ووڈ میں عام تھا مگر اب دیکھتے ہی دیکھتے اداکاروں نے بھی بالی ووڈ میں اپنی جگہ بنا لی ہے جس کی وجہ سے بالی ووڈ اداکاروں کا کیرئیر خطرے میں پڑ گیا ہے۔جنوبی بھارت کے اداکاروں جیسے، سمانتھا، نیانتھرا، رشمیکا مندنا اور پرابھاس سمیت دیگر اداکاروں کی ہندی فلموں میں بڑھتی ہوئی کاسٹنگ ہے۔اس حوالے سے تیلگو فلم انڈسٹری کے معروف اداکار این ٹی آر جونیئر کا کہنا ہے کہ جنوبی بھارتی فلمیں انتہائی منظم طریقے سے بنتی ہیں۔ اگر فلم کے فائنل پرنٹس اگلے دن درکار ہوں تو ٹیم کو اضافی وقت دے دیا جاتا ہے تاکہ آخری لمحے تک ضروری ترامیم کی جا سکیں۔
جنوب بھارت کی فلم انڈسٹری کی مشہور اداکارہ نین تھارا، جنہیں اپنی انڈسٹری کی لیڈی سپر سٹار کہا جاتا ہے، نے شاہ رخ خان کی فلم ’جوان‘ سے بالی وُڈ میں قدم رکھا۔ فلم کی کامیابی کے بعد ایک انٹرویو میں انہوں نے کہا، ’شاہ رخ خان نے میری بالی ووڈ میں انٹری کو آسان بنایا۔ میں نے ’جوان‘ صرف اس لیے کی کیونکہ میں شاہ رخ خان سر سے محبت کرتی ہوں۔
اداکارہ نین تھارا
دوسری جانب ایس ایس راجہ مولی کی فلم باہوبلی نے نہ صرف اپنے مرکزی اداکاروں پرابھاس اور رانا دگوبتی کو شہرت دی بلکہ بھارتی سنیما کے عمومی تصور کو بھی تبدیل کرنے میں اہم کردار ادا کیا۔رانا دگوبتی نے بتایا کہ پہلے پانچ سال میں ممبئی میں لوگوں کو یہ سمجھانے میں لگا رہا کہ میں چنئی سے نہیں بلکہ حیدرآباد سے ہوں، کیونکہ وہ ان دونوں میں زیادہ فرق نہیں جانتے تھے۔ پھر تیلگو پروڈیوسرز کو اس بات پر قائل کرنا تھا کہ ہندی میں بھی فلمیں بنائی جا سکتی ہیں۔اس کے بعد ’باہوبلی‘ اور ’غازی‘ جیسی فلمیں آئیں، جنہوں نے دونوں انڈسٹریز کے درمیان حائل رکاوٹیں ختم کر دیں اور جنوبی بھارتی اداکاروں کو بھی بالی ووڈ میں مواقع ملنا شروع ہوئے۔ سوشل میڈیا پر بھی اب جنوبی بھارتی اداکاروں کے خوب چرچے ہورہے ہیں۔
رشمیکا مندنا
یہ بھی پڑھیں:ASF میں بھرتی ٹیسٹ، دوڑ مرحلے کے دوران نوجوان امیدوار جان سے گیا