لاہورایئرپورٹ پردھند کےباعث فلائٹ آپریشن متاثر،پروازیں تاخیرکاشکار

(سعید احمد سعید)لاہورمیں دھند کاراج اورکئی علاقوں میں حدنگاہ صفر ہوگئی،لاہورایئرپورٹ پردھند کےباعث فلائٹ آپریشن بھی متاثرہواہے۔

لاہورایئرپورٹ پردھند کےباعث ائیربلیو کی پرواز پی اے 406 کو لاہور لینڈنگ کی اجازت نہ ملی اورطیارے کا رخ اسلام آباد ائیرپورٹ کی جانب موڑ دیا گیا،دوسری طرف لاہور سے دبئی کیلئے ائیربلیو کی پرواز پی اے 416 ساڑھے 13 گھنٹے تاخیر کا شکار ہے،اب پرواز کو کل دوپہر ایک بجے لاہور سے دبئی روانہ کیا جائے گا۔

علامہ اقبال انٹرنیشنل ایئرپورٹ کے اطراف میں شدید دھند کے باعث رن وے پر حد نگاہ 50 میٹر ریکارڈ کی گئی ہے،حد نگاہ میں کمی کے باعث لاہورایئرپورٹ پرفلائٹ آپریشن متاثرہورہاہے،لاہور سے شارجہ جانے والی ائیربلیو کی پرواز پی۔اے 412 سات گھنٹے تاخیر کا شکار ہوئی ہے،شارجہ کے لیے اس پروازکو صبح 6بجے کے لیے شیڈول کیا گیا ہے۔

یہ بھی پڑھیں:مدینہ منورہ میں موسلادھار بارش اور ژالہ باری،سردی کی شدت میں اضافہ

لاہور سے دبئی جانے والی ایمریٹس کی پرواز ای کے 623 اڑھائی گھنٹے اورجدہ سےلاہور آنے والی سعودی ائیر کی پرواز ایس وی 738 دس گھنٹے پینتس منٹ تاخیر کا شکار ہے۔