سوناکشی اورظہیراقبال میں طلاق ہوجائے گی،بھارتی نجومی کی پیشگوئی

(ویب ڈیسک)بالی ووڈ کی معروف اداکارہ سوناکشی سنہا اور ان کے شوہر ظہیراقبال سے متعلق ایک پیشگوئی نے مداحوں کو صدمے کا شکار کردیا۔

 بھارت کے ایک مشہور ماہر نجوم سشیل کمار سنگھ نے سوناکشی سنہا اور ظہیر اقبال کی طلاق کی پیش گوئی کردی ہے، جس کی ویڈیو سوشل میڈیا پر وائرل ہورہی ہے۔

ماہر نجوم سشیل کمار نے ایک پوڈکاسٹ کے دوران پیشگوئی کرتے ہوئے بتایا کہ بالی ووڈ کی جوڑی سوناکشی سنہا اور ظہیر اقبال کی جلد طلاق ہوجائے گی، صرف یہی نہیں انہوں نے دونوں کی طلاق کے طریقۂ کار کے بارے میں بھی کچھ حیران کن تفصیلات بیان کی ہیں۔

سشیل کمار کا کہنا تھا کہ سوناکشی سنہا کی بچہ ہوجانے اور بہت لڑائی جھگڑے کے بعد طلاق ہوگی،بچے کی پیدائش کے بعد دونوں میں خوب بحث ہوگی، پھر نوبت ہاتھا پائی تک جاپہنچے گی جس کے بعد طلاق ہوجائے گی، اس شادی کا اختتام بہت خراب ہوگا۔

بھارتی ماہر نجوم سشیل کمار اس سے قبل ایشوریہ رائے اور ابھیشیک بچن کے درمیان بھی طلاق کی پیشگوئی کرچکے ہیں۔

یہ بھی پڑھیں:اداکارہ ریماخان پر کروڑوں کے فراڈ کا الزام،مقدمہ بھی درج

بھارتی اداکارہ سوناکشی سنہا نے گزشتہ سال ہی ظہیر اقبال کے ساتھ  کئی سال کی دوستی کے بعد پسند کی شادی کی تھی۔

واضح رہے کہ دنیا میں کئی نجومیوں نے ایسی پیش گوئیاں کی ہیں جو کبھی پوری نہیں ہوئیں پھر بھی کچھ ضعیف الاعتقاد لوگ ان پر یقین کرلیتے ہیں۔