سیف اور کرینہ کپورمیں طلاق ہونیوالی ہے:بھارتی نجومی کی پیشگوئی

(ویب ڈیسک)بالی ووڈ کی مقبول جوڑی سیف علی خان اور کرینہ کپور  کے بارے میں ایک نجومی نے پیش گوئی کی ہے کہ دونوں جلد علیحدگی اختیار کرسکتے ہیں۔

بھارت کے معروف نجومی سشیل کمار سنگھ نے دعویٰ کیا ہے کہ اگلے 18 مہینوں میں سیف علی خان اورکرینہ کپور کے درمیان طلاق ہو جائے گی۔

بالی ووڈکی سپرسٹارجوڑی کے بارے میں یہ پیشگوئی ایک ایسے وقت میں سامنے آئی ہے جب ان کے تعلقات کے بارے میں پہلے ہی قیاس آرائیاں کی جا رہی ہیں، خاص طور پر سیف علی خان پر چاقو حملے کے بعد کرینہ کپور ان کے ساتھ نظر نہیں آئیں۔

سیف علی خان کو حملے کے بعد جب ہسپتال لے جایا گیا تو کرینہ کپور ان کے ساتھ ہسپتال گئیں اور نہ ہی ان کی عیادت کے لیے دیکھی گئیں،اب حالیہ اس پیش گوئی نے ان کی شادی سے متعلق نئی افواہوں کو مزید ہوادے دی ہے۔

سشیل کمار سنگھ نے ایک شو میں گفتگو کے دوران کہا کہ میں نے 2010ء میں ہی پیش گوئی کر دی تھی کہ سیف علی خان  اور کرینہ کپور کی شادی زیادہ عرصے تک نہیں چلے گی۔

بھارتی نجومی کا کہنا ہے کہ سیف علی خان پر حالیہ حملہ اندرونی خاندانی تنازعات کا نتیجہ ہو سکتا ہے اور یہی اختلافات طلاق کی بڑی وجہ بن سکتے ہیں۔

سشیل کمار سنگھ نے زور دیتے ہوئے کہا کہ ان کے زائچوں میں صاف نظر آ رہا ہے کہ یہ رشتہ ایک یا ڈیڑھ سال کے اندر ختم ہو جائے گا، چاہے وہ اس معاملے کو جتنا بھی دبانے کی کوشش کریں، علیحدگی یقینی ہے۔

یہ بھی پڑھیں:بالی ووڈ میں تخلیقی ماحول ختم ہوگیا: انوراگ کشیپ نے ممبئی چھوڑدیا

سشیل کمار سنگھ نے سیف علی خان پر چاقو حملے کو بھی ایک سوچا سمجھا منصوبہ اور ڈرامہ قرار دیتے ہوئے دعویٰ کیا ہے کہ یہ حملہ زیادہ سنگین نوعیت کا نہیں تھا۔

اس پیش گوئی کے بعد سوشل میڈیا پرایک نئی بحث چھڑ گئی ہے، تاہم سیف علی خان اور کرینہ کپور کی جانب سے اس معاملے پر کوئی ردعمل سامنے نہیں آیاہے۔