امریکی خاتون باڈی بلڈرکی اچانک موت:وجہ کیابنی؟
Stay tuned with 24 News HD Android App
(ویب ڈیسک)امریکی خاتون باڈی بلڈر 20 سال کی عمر میں اچانک موت کے منہ میں چلی گئیں۔
20 سالہ جودی وینس Jodi Vance کی ایک اسپورٹس فیسٹیول میں شرکت کے دوران طبیعت خراب ہوئی، جس کے بعد فوری طور پر انیہں مقامی ہسپتال لے جایا گیا جہاں وہ جانبر نہ ہو سکیں۔
اہلِ خانہ کے مطابق جودی کی موت شدید ڈی ہائیڈریشن (پانی کی کمی) کی پیچیدگیوں کے باعث ہوئی، انہوں نے انسٹاگرام پر لوگوں کو اپنی صحت کو اولین ترجیح دینے کی تاکید کی ہے۔
دوسری طرف جودی کے ٹرینر جسٹن میہالی Justin Mihaly نے ایک ویڈیو میں ان کی موت کی مزید تفصیلات بیان کرتے ہوئے انکشاف کیاہے کہ جودی نے کچھ انتہائی خطرناک سپلیمنٹس اور دوائیں استعمال کی تھیں، جو ان کے علم میں نہیں تھیں، یہ سب انہوں نے میری اور اپنے خاندان کی اجازت کے بغیر کیا، جودی کی صحت پہلے ہی خطرناک حد تک متاثر ہو چکی تھی اور کئی قریبی لوگوں نے انہیں ورک آؤٹ اور سپلیمنٹس کے استعمال میں احتیاط برتنے کی تاکید کی تھی۔
یہ بھی پڑھیں:سابق کھلاڑی سوچ سمجھ کر بات کیا کریں: بابر اعظم کے والد کی تنبیہ
جودی وینس نے 2024ء کے این پی سی بیٹل آف ٹیکساس میں ویمنز فزیک کیٹیگری میں تیسری پوزیشن حاصل کی تھی،وہ انسٹاگرام پر اپنی باڈی بلڈنگ کی تصاویر، موٹیویشنل تھوٹس اور فٹنس سے متعلق پوسٹس شیئر کرتی رہتی تھیں، ان کے 8,000 سے زائد فالوورز تھے۔