قدرت کا بہترین پھل خربوزہ،رمضان المبارک میں کھائیں اور متعدد جسمانی مسائل سے چھٹکارا پائیں

(ویب رپورٹ) اللہ پاک نے ہر چیز میں افادیت رکھی ہے ،موسم گرما کے پھل خربوزے کی مٹھاس منہ کا ذائقہ بہتر بناتی ہے، بلکہ صحت کو بھی بہت زیادہ فائدہ ہوتا ہے۔ خوبوزوں میں وٹامن اے اور سی کے ساتھ ساتھ  بی 1، بی 6 اور K جیسے وٹامنز بھی موجود ہوتے ہیں جبکہ پوٹاشیم، فولیٹ، کاپر، میگنیشم اور غذائی فائبر بھی انہیں کھانے سے جسم کو ملتے ہیں۔

رمضان المبارک کے بابرکت مہینے میں خربوزے کے استعمال کے متعدد فوائد ہیں جیسے کہ جسم میں پانی کی کمی نہیں ہوتی ،خربوزوں میں پانی کی مقدار کافی زیادہ ہوتی ہے جس سے گرم موسم میں جسم میں پانی کی کمی نہیں ہوتی۔خربوزے کھانے سے جسم کو ٹھنڈک ملتی ہے جبکہ حرارت سے تحفظ ملتا ہے۔خربوزہ سے بلڈ پریشر کو کنٹرول کرنا ممکن ہوتا ہے،اس پھل میں پوٹاشیم جیسا جز موجود ہوتا ہے جو بلڈ پریشر کو کنٹرول کرنے کے لیے اہم ہوتا ہے۔خربوزہ قدرت کا بہترین پھل ہے،بینائی کیلئے مفیدخربوزوں میں وٹامن اے اور بیٹا کیروٹین جیسے اجزا موجود ہوتے ہیں۔وٹامن اے بینائی کے لیے بہت زیادہ اہم ہوتا ہے اور اس کی کمی سے بینائی کے مختلف مسائل کا خطرہ بڑھتا ہے۔

خربوزے کے استعمال سے جسمانی وزن میں کمی کی جا سکتی ہے،اگر جسمانی وزن میں کمی لانا چاہتے ہیں تو خربوزوں کا استعمال مددگار ثابت ہو سکتا ہے۔اس پھل میں چکنائی نہیں ہوتی جبکہ اس کی قدرتی مٹھاس سے چینی کھانے کی خواہش کم ہوتی ہے جس سے جسمانی وزن میں کمی لانے میں مدد ملتی ہے۔خربوزوں میں موجود اجزا بلڈ شوگر کو تیزی سے بڑھنے نہیں دیتے۔یہی وجہ ہے کہ یہ پھل ذیابیطس کے مریضوں کے لیے اچھا تصور کیا جاتا ہے، مگر انہیں اس کا استعمال ڈاکٹر کے مشورے سے کرنا چاہیے۔ اس کے علاوہ  وٹامن سی کو مضبوط مدافعتی نظام کے لیے اہم تصور کیا جاتا ہے اور خربوزوں میں یہ وٹامن کافی مقدار میں ہوتا ہے۔وٹامن سی سے خون کے سفید خلیات بننے کا عمل متحرک ہوتا ہے اور یہ خلیات مختلف امراض جیسے موسمی نزلہ زکام سے لڑنے میں کردار ادا کرتے ہیں۔

قارئین فائبر وہ غذائی جز ہے جو قبض جیسے عام مسئلے سے تحفظ فراہم کرنے میں کردار ادا کرتا ہے۔خربوزوں میں فائبر کی مقدار کافی زیادہ ہوتی ہے اور اسی لیے یہ قبض سے تحفط فراہم کرنے میں کردار ادا کرتا ہے۔اکثر قبض کی وجہ جسم میں پانی کی کمی ہوتی ہے اور اس پھل میں پانی کی مقدار کافی زیادہ ہوتی ہے۔گردوں میں پتھری اکثر کم پانی پینے یا جسم میں پانی کی کمی کا نتیجہ ہوتی ہے۔خربوزوں میں پانی کی مقدار کافی زیادہ ہوتی ہے اور اسی وجہ سے اس کا استعمال گردوں کی پتھری سے تحفظ فراہم کر سکتا ہے۔خربوزوں کو کھانے سے مسلز کو سکون ملتا ہے۔یہی وجہ ہے کہ اسے کھانے سے بے خوابی کے مسئلے کی شدت میں کمی لانے میں مدد مل سکتی ہے۔یہ پھل کھانے سے دماغ کی جانب آکسیجن کا بہاؤ بڑھتا ہے جس سے تناؤ میں کمی آتی ہے اور سکون محسوس ہوتا ہے۔

ٌ*واضح رہے کہ یہ مضمون طبی جریدوں میں شائع تفصیلات پر مبنی ہے، مگر ان چیزوں کا استعمال ڈاکٹر کے مشورے سے کرنا چاہیے*۔

یہ بھی پڑھیں:کراچی:2025کے دو ماہ میں 10ہزار سے زائد سٹریٹ کرائمز رپورٹ