معروف سٹیج اداکارہ نگار چودھری کے خاوند سے بڑی مقدار میں منشیات برآمد

(24نیوز)پولیس نے پاکستان کی معروف سٹیج اداکارہ نگار چودھری کے خاوند سے 10 کلو کے قریب کوکین برآمد کی ہے۔

سی آئی اے پولیس کے مطابق دو ماہ قبل اداکارہ نگار چودھری کے خاوند عمار بٹ عرف سپیڈی رنگے ہاتھوں پکڑے گئے تھے، ملزم کو وحدت کالونی سے گاڑی سمیت پکڑا گیا، ان کی گاڑی سے بھاری مقدار میں کوکین ملی۔سی آئی اے پولیس نے بتایا کہ اداکارہ نگار چوہدری کے گھر سے بھی منشیات پکڑی گئی اور ملزم نے اقرار جرم بھی کرلیا ہے۔

پولیس کا کہنا ہے کہ ملزم عمار بٹ 6 سال تک بیرون ملک جیل میں بھی قید رہا،پولیس ذرائع کے مطابق نگار چوہدری کے خاوند جیل میں قید ہیں اور ان پر ٹرائل چل رہا ہے، اداکارہ خاوند کو سزا سے بچانے کیلئے پولیس پر الزام لگا رہی ہیں۔

سی آئی اے پولیس نے مزید کہا کہ پولیس ریڈ کے دوران اداکارہ کے گھر سے بیگ پکڑے گئے جن میں منشیات موجود تھیں، منشیات کے نمونہ جات فرانزک لیب بھجوائے گئے جبکہ قانونی کارروائی تاحال جاری ہے۔

یہ بھی پڑھیں:17نومبر تک تعلیمی ادارے بند، نوٹیفکیشن جاری