(ویب ڈیسک)ہالی ووڈ سٹار بریڈ پٹ کی مداح نے اداکار کے ساتھ نازیبا حرکت کردی جس کی ویڈیو سوشل میڈیا پر وائرل ہورہی ہے۔
میکسیکو گرینڈ پریکس کے دوران ایک فارمولا 1 اور ہالی ووڈ سٹار بریڈ پٹ کی مداح نے اداکار کے ساتھ نازیبا حرکت کردی جس کی ویڈیو سوشل میڈیا پر وائرل ہورہی ہے،میکسیکو سٹی میں فارمولا 1 کی ریس میں فرنٹی ریسنگ کے کارلوس سائنس نے فتح حاصل کی لیکن شائقین کی زیادہ توجہ بریڈ پٹ پر مرکوز رہی، جو اپنی آنے والی فارمولا 1 فلم کی شوٹنگ کے لیے وہاں موجود تھے۔
اس موقع پر ایک مداح نے بریڈ پٹ کے ساتھ سیلفی لینے کی کوشش کی جس دوران وہ اداکار کو گلے سے پکڑ کر ان کے گال پر بوسہ دے بیٹھی۔
اس واقعے کی ویڈیو سوشل میڈیا پر وائرل ہوگئی خاتون کو اس حرکت پر شدید تنقید کا سامنا کرنا پڑ رہا ہے،سوشل میڈیا صارفین نے خاتون کی اس حرکت کو ہراسگی قرار دیتے ہوئے سخت ردعمل دیا ہے۔
کسی نے اس حرکت کو نہ صرف بریڈ کے ساتھ ہراسگی ہے بلکہ ان کی اجازت کے بغیر ایسا کرنا ناپسندیدہ عمل قرار دیا تو کسی نے کہا کہ ان کی وجہ سے سیلیبرٹی عام مداحوں کے پہنچ سے دور رہتے ہیں کیا یہ ٹھیک ہے کہ کوئی شخص جس کو آپ جانتے نہیں ہو اور وہ آکے آپ کو گلے مل کر بوسہ لے؟
سکیورٹی اہلکاروں نے اس خاتون کو بریڈ پٹ سے دور کیا جبکہ اداکار بھی ہچکچاہٹ میں مبتلا نظر آئے۔ اداکار کے مداحوں کا کہنا تھا کہ ’اس طرح کی حرکتیں ہی مشہور شخصیات کو ان کے مداحوں سے دور کر دیتی ہیں‘۔
یاد رہے کہ بریڈ پٹ اپنی آنے والی فلم سنسنی خیز فلم ’ایف 1‘ کی شوٹنگ میں مصروف ہیں، جس میں وہ ایک ریٹائرڈ فارمولا 1 ڈرائیور کا کردار ادا کر رہے ہیں یہ فلم 2025 میں سنیما گھروں کی زینت بنے گی۔
یہ بھی پڑھیں: معروف سٹیج اداکارہ نگار چودھری کے خاوند سے بڑی مقدار میں منشیات برآمد