کینسرسےجنگ لڑنے والی معروف اداکارہ نے مداحوں کو شادی نہ کرنے کا مشورہ کیوں دیا؟

(24نیوز) معروف بھارتی اداکارہ  اور کینسر سےجنگ لڑنے والی حنا خان نے دل ہلا دینے والی ویڈیو شیئر کر دی، انہوں نے اپنے مداحوں کو کہاہے  کہ  ’کبھی شادی نہ کرنا۔
  چھاتی کی سرطان میں مبتلا معروف اداکارہ حنا خان جو اپنی زندگی کی مشک دور سے گزر رہی ہے نے اپنے مداحوں کو تعجب میں ڈالا ہے،اداکارہ باقاعدگی سے ٹریٹمنٹ لے رہی ہیں،اس دوران وہ سوشل میڈیا پر بھی کافی سر گرم ہیں اور اپنی صحت سے متعلق اپڈیٹس اور تصاویر اپنے مداحوں کے ساتھ شیئر کرتی رہتی ہیں،لیکن گزشتہ ایک دو دن سے وہ ایسی پوسٹس شیئر کر رہی ہیں جس نے ان کے مداحوں کو شک اور پریشانی میں ڈال دیا ہے اور وہ چاہتے ہیں کہ حناخان اس کی وضاحت کرے کہ وہ ایسا کیوں کررہی ہیں،اگر ان کی گزشتہ ایک یا دودن کی پوسٹس کو دیکھا جائے تو انہوں نے انسٹاگرام کی کچھ پوسٹس میں دل کو ہلا دنے والی سٹوریز شیئر کی ہیں اور ساتھ ہی ایک ویڈیو بھی جاری کردی ہے جس میں وہ اپنے مداحوں کو کبھی شادی نہ کرنے کا کہہ رہی ہیں۔

مداح ان پوسٹس کے پیچھے چھپی وجوہات جاننا چاہتے ہیں کہ آخر حنا خان کی زندگی میں ایسا کیا چل رہا ہے جو وہ اس قسم کی پوسٹ کررہی ہیں اور ساتھ میں قیاس آرائیوں کا سلسلہ بھی شروع ہوگیا ہے کہ کہیں ان کے اور ان کے بوائے فرینڈ راکی کے رشتے میں کوئی دراڑ تو نہیں آگئی ہے  تاہم انہیں یہ یقین نہیں ہے کہ یہ شک درست ہے یا غلط۔۔

یاد رہے کہ حنا خان نے کچھ عرصہ پہلے سوشل میڈیا پر راکی کی تعریف کی تھی کہ وہ ان کے مشکل وقت کی سب سے بڑی طاقت ہیں۔ اورراکی نے بھی حنا کی تصویرشیئر کرتے ہوئے لکھا تھا کہ، جب وہ ہنستی ہیں توروشنیاں روشن ہو جاتی ہیں، جب وہ خوش ہوتی ہیں تو زندگی معنی رکھنے لگتی ہے اور جب وہ میرے ساتھ ہوتی ہے تو میں جی اٹھتا ہوں  اور جب میں اس کے ساتھ ہوتا ہوں تو کسی اور چیز سے کوئی فرق نہیں پڑتا ہے۔

یہ بھی پڑھیں:پاکستانی ڈراموں کی فین ہوں،کاش ہمیں ایساکام کرنے کوملے،بھارتی اداکارہ سیماپاہوا