(ویب ڈیسک)عالمی شہرت یافتہ تصوراتی ویب ڈرامہ سیریز ” ہاؤس آف دی ڈریگن سیزن 2″ کی آٹھویں اورآخری قسط نشرہوگئی،سیزن 2 کی آخری قسط کا اختتام ڈرامائی پیش رفت اور بڑے تنازعات کے اختتام پر ہوا ہے۔
یہ ویب سیریز "گیم آف تھرونز" کا پریکوئل ہے اورشائقین اس کابڑی بے صبری سے انتظارکررہے تھے یہی وجہ ہے کہ جب اس سیزن کی پہلی قسط آن ایئرہوئی توشائقین نے اسےبہت پسندکیاتھا،اس سیزن کی پہلی قسط 16 جون کو جاری کی گئی تھی۔
سیریز"ہائوس آف دی ڈریگن"کی آخری قسط "دی کوئین ہونیورواز"کے نام سے پیش کی گئی جس میں بعض لوگوں کاخیال ہے کہ کلف ہینگر سیزن کا اطمینان بخش نتیجہ فراہم کرنے میں ناکام رہاہے۔
"ہاؤس آف دی ڈریگن" جارج آر آر مارٹن کی افسانوی مقبول ترین کتاب "فائر اینڈ بلڈ" پر مبنی ہے۔اس کی کہانی ویسٹرس نامی ایک خیالی خطے پر مبنی ہے اور "گیم آف تھرونز "کے واقعات سے تقریباً 200 سال پہلے کی ہے۔ "ہاؤس آف دی ڈریگن" سیزن 2 کے فنکاروں میں میٹ اسمتھ، اولیویا کوک، ایما ڈی آرسی، ایو بیسٹ، اسٹیو ٹوسینٹ، فیبین فرینکل، ایون مچل، ٹام گلن کارنی، سونویا میزونو، رائس افانس، ہیری کولیٹ کے علاوہ ابوبکر سلیم ایلن آف ہل کے طور پر، گیل رینکن ایلس ریورز کے طور پر، فریڈی فاکس سیر گوین ہائی ٹاور کے طور پر اور سائمن رسل بیل سیر سائمن اسٹرانگ کے طورپر جلوہ گرہوئے ۔
ضرورپڑھیں:چار نہیں بلکہ تین مردوں سے چار بار شادیاں کیں،نوربخاری
سیزن 2کی پہلی قسط 16 جون،دوسری 23 جون،تیسری 30 جون،چوتھی 07 جولائی،پانچویں 14 جولائی،چھٹی 21 جولائی،ساتویں 28 جولائی اورآخری قسط 04 اگست کوپیش کی گئی۔خیال ظاہرکیاجارہاہے کہ اس سیریز کا تیسراسیزن بھی آئے گاکیونکہ کہانی میں ابھی تشنگی باقی ہے جوآنے والے سیزن میں پوری ہوگی۔اس سے قبل "ہاؤس آف دی ڈریگن "سیزن 1کی 10 اقساط تھیں اور اسے 21 اگست سے 23 اکتوبر 2022 کے درمیان نشر کیا گیا تھا،اس سیزن کو بھی دنیا کی سب سے بہترین سیریز قرار دیاگیاتھا۔