خیبرپختونخوا؛دہشتگردوں کیخلاف آپریشنز میں 6جوان شہید، 22خوارج ہلاک 

(احمد منصور)خیبرپختونخوا میں سکیورٹی فورسز کی مختلف کارروائیوں میں 22 خوارج ہلاک جبکہ مادر وطن کے 6بہادر سپوت شہیدہو گئے۔

پاک فوج کے شعبہ تعلقات عامہ آئی ایس پی آر کے مطابق خیبر پختونخوا میں سکیورٹی فورسز کی تین مختلف کارروائیوں میں 22 خوارج جہنم واصل ہو گئے،تھل میں فائرنگ کے شدید تبادلے میں6جوانوں نے جام شہادت نوش کیا۔

آئی ایس پی آر کے مطابق ٹانک کے علاقے گل امام میں سکیورٹی فورسز نے انٹیلیجنس بیسڈ آپریشن  کیا، سکیورٹی فورسز نے گل امام میں دہشتگردوں کے موجودگی کی اطلاع پر کارروائی کی، سکیورٹی فورسز کی دہشت گردوں کے ٹھکانے کے خلاف مؤثر کارروائی میں 9 خارجی ہلاک اور6 زخمی ہو گئے۔

جام شہادت نوش کرنے والے  نائب صوبیدار محمد خالد کا تعلق ضلع کوہاٹ سے ہے ،نائب صوبیدار محمد خالد شہید کی عمر 39سال ہے، محمد خالد شہید نے 22سال سے زائددفاع وطن کا مقدس فریضہ سر انجام دیا، شہید کے سوگواران میں والداوراہلیہ شامل ہیں۔ 

35سالہ حوالدار جدید علی شہید کا تعلق ضلع اورکزئی سے ہے ، جدید علی شہید نے17 سال سے زائد پاک فوج میں گزارے ،ان کے سوگواران میں والداور اہلیہ شامل ہیں۔ 

28 سالہ لانس نائیک ولائت حسین شہید ضلع کرم کے رہائشی ہیں،لانس نائیک ولائت حسین شہید نے 9 سال تک وطن عزیزکی حفاظت کی، ولائت حسین شہید کے سوگواران میں والد اور اہلیہ شامل ہیں۔ 

30 سالہ لانس نائیک صفت اللہ شہید کا تعلق ضلع خیبر سے ہے، صفت اللہ شہید نے 7 سال پاک فوج میں گزارے ، صفت اللہ شہید کے سوگواران میں والدین اور اہلیہ شامل ہیں ۔

27 سالہ لانس نائیک شہید رحمان شہید کا تعلق کرم سے ہے ،لانس نائیک شہید رحمان شہید نے 8 سال تک وطن عزیز کا دفاع کیا،لانس نائیک شہید رحمان شہید کے سوگواران میں والدین شامل ہیں۔ 

27 سالہ سپاہی نظام الدین شہید کا تعلق ساؤتھ وزیرستان سے ہے،سپاہی نظام الدین شہید نے5سال پاک فوج میں گزارے ،سپاہی نظام الدین شہید کے سوگواران میں والدین شامل ہیں۔

یہ بھی پڑھیں:چیمپئنز ٹرافی !! چیئرمین پی سی بی کا اہم بیان سامنے آگیا