رابی پیرزادہ کی دلہن بنے تصاویر سوشل میڈیاپر وائرل، حقیقت بھی سامنے آگئی 

 (ویب ڈیسک)پاکستان میوزک انڈسٹری کی سابقہ گلوکارہ اور سماجی کارکن رابی پیرزادہ کی دلہن بنے ہوئے تصاویر سوشل میڈیا پر وائرل ہوگئیں۔
 اسلام کی خاطر شوبز انڈسٹری سے کنارہ کشی اختیار کرنے والی رابی پیرزادہ نے سماجی رابطے کی ویب سائٹ ایکس (سابق ٹوئٹر)پر اپنی کچھ تصاویر پوسٹ کی ہیں جن میں وہ دلہن بنی ہوئی ہیں،ایکس پر پوسٹ کی گئی تصاویر میں رابی پیرزادہ سلور رنگ کے خوبصورت عروسی لباس میں ملبوس ہیں جس کے ساتھ انہوں نے دلکش زیور بھی پہنا ہوا ہے۔تصویر میں رابی پیرزادہ اپنا دوپٹہ تھامے پوز دیتے ہوئے مسکرا رہی ہیں جبکہ تصویر کسی شادی ہال میں لی گئی ہے۔

اگر کوئی رابی کا ڈریس اور جیولری ُخریدنا چاہتا ہے تو ٹیم سے رابطہ کریں، ہم ان پیسوں سے کسی لڑکی کی شادی میں مدد کردیں گے۔
Support the cause of #rabipirzadafoundation
WhatsApp: /03008855559 pic.twitter.com/PmjzXZqsft

— Rabi Pirzada (@Rabipirzada) January 7, 2024

 اس تصویر کے ساتھ رابی پیرزادہ نے لکھا کہ جب ٹوٹا ہوا دل جڑ جاتا ہے تو وہ کسی بھی چیز سے زیادہ مضبوط ہو جاتا ہے، رابی پیرزادہ نے ایک تصویر میں گلاب کے پھولوں کا ہار پکڑا ہوا ہے جبکہ اس تصویر کے کیپشن میں انہوں نے الحمدللہ لکھا۔ 

Alhamdulillah ???? pic.twitter.com/ScHE4zEFWW

— Rabi Pirzada (@Rabipirzada) January 6, 2024

رابی پیرزادہ نے ایک اورٹوئٹ میں کہاہے کہ یہ میری شادی نہیں ہے، یہ ایک بیٹی کی شادی ہے جس کی والدہ نے اکیلے اس کی شادی کے انتظامات کئے ہیں اور میں ایسی بہادر خواتین کی سپورٹ کرتی ہوں، سابق گلوکارہ کا مزید کہناتھا کہ میں نے دلہن کا لباس پہن رکھا ہے کیونکہ یہ سپانسرڈ کیاگیا ہے، اور ہم نے شادی کے انتظامات میں والدہ کی مدد کی۔
سابقہ گلوکارہ کی پوسٹ پر صارفین کی جانب سے تبصروں کا رش لگ گیا کسی نے رابی پیرزادہ سے پوچھا کہ کیا آپ نے شادی کرلی ہے؟ تو کسی نے انہیں شادی کی مبارکباد پیش کی اور کچھ صارفین نے ان کے اچھے نصیب کیلئے دعا بھی کی۔

Just to clarify, its not my wedding, its the weddings of a daughter whose mother single handed arranged her wedding and i always support brave women. i m wearing bridal dress as it’s sponsored and we got to help mother with the wedding arrangements. Alhamdulillah pic.twitter.com/avjm73POau

— Rabi Pirzada (@Rabipirzada) January 7, 2024

 اس سے قبل دسمبر 2023 میں رابی پیرزادہ نے ایک شخص کا ہاتھ تھامے ہوئے تصویر اپنے ایکس اکانٹ پر پوسٹ کی تھی، تصویر میں رابی پیرزادہ اور اس شخص کا چہرہ نظر نہیں آرہا تھا لیکن دونوں گاڑی میں بیٹھے تھے۔ 
خیال رہے کہ رابی پیرازادہ ماضی میں گلوکارہ، اداکارہ، ماڈل اور بطورِ آرٹسٹ شوبز انڈسٹری میں کام کر چکی ہیں تاہم مذہب کے خاطر شوبز سے کنارہ کشی اختیار کرنے کے بعد اب وہ فلاحی ادارہ چلا رہی ہیں۔

یہ بھی پڑھیں: تعلیمی اداروں میں مزید چھٹیوں کا اعلان