امریکا میں برفانی طوفان،6 ہلاک، 4 ہزار پروازیں منسوخ، 3 لاکھ صارفین بجلی سے محروم

(ویب ڈیسک) امریکا کی تمام مشرقی ساحلی ریاستوں میں برفانی طوفان کے باعث 7 ریاستوں میں ہنگامی حالت نافذ کردی گئی، طوفان سے6 ہلاکتیں اور4 ہزار پروازیں منسوخ جبکہ 3 لاکھ سے زائد صارفین بجلی سے محروم ہوگئے۔

برفانی طوفان کے باعث تقریباً 2 ہزار پروازیں منسوخ کردیں۔ نیوجرسی، پنسلوینیا، ورجینیا اور اوہائیو سب سے زیادہ متاثر ہوئے۔

واشنگٹن، میری لینڈ اور بالٹی مور میں بھی پروازیں منسوخ کی گئیں۔ اتوار سے اب تک منسوخ پروازوں کی تعداد تقریباً 4 ہزار ہوگئی۔

ورجینیا، کینٹاکی اور انڈیانا سمیت کئی ریاستوں میں 3 لاکھ سے زائد صارفین بجلی سے محروم ہیں  جبکہ شمالی کیرولائنا، میوزوری اور کنساس میں حادثات کے باعث 6 افراد ہلاک ہوئے۔

یہ بھی پڑھیں : عمران خان کی سابقہ اہلیہ جمائما پہاڑی سے گر کر زخمی ہوگئیں

واشنگٹن ڈی سی میں 18 انچ تک برف پڑنے کی پیش گوئی کی گئی ہے۔ 

امریکا میں موسم کی شدت اس ماہ کے وسط تک برقرار رہے گی۔