اداکارہ ایمن سلیم کے ہاں پہلے بچے کی پیدائش

(ویب ڈیسک) پاکستانی اداکارہ و ماڈل ایمن سلیم نے اپنے بیٹے کی ولادت کے ڈیڑھ ماہ بعد مداحوں کو خوشخبری سنائی۔

اداکارہ نے انسٹاگرام پر نومولود کے پیروں کی تصویر اور ایک دلکش پوسٹ شیئر کرتے ہوئے بیٹے کی پیدائش کی اطلاع دی۔

اپنی سوشل میڈیا پوسٹ میں ایمن نے لکھا "2 لوگوں کی پارٹی سے 3 افراد کے خاندان تک، ہمارے بچے کے ساتھ گذشتہ 6 ہفتے ایک معجزہ رہے ہیں" ،انہوں نے اپنے بیٹے کا نام کیحان ملک بتاتے ہوئے اسے دنیا میں خوش آمدید کہا۔ 

یاد رہے کہ ایمن سلیم جو سابق کرکٹر سلیم یوسف کی صاحبزادی ہیں دسمبر 2023 میں کامران ملک کے ساتھ رشتہ ازدواج میں منسلک ہوئی تھیں۔

مزید پڑھیں:معروف اداکار معمر رانا کی نئی فلم "باپ " کا ٹریلر جاری