(ویب ڈیسک)معروف ٹک ٹاکر دانیہ شاہ اور ان کے شوہر حکیم شہزاد ایک خطرناک کار حادثے کا شکار ہوگئے،جس کے نتیجے میں ایک شخص جاں بحق اورخاتون زخمی ہوگئی۔
حکیم شہزاد اپنی اہلیہ دانیہ شاہ اوراپنی ٹیم کے ہمراہ کار میں سفر کر رہے تھے کہ اچانک ایک موٹر سائیکل ان کی گاڑی سے ٹکرا گئی۔
حکیم شہزاد کے مطابق، موٹر سائیکل سوار غلط سمت سے تیز رفتاری میں آئے اور ان کی گاڑی سے جا ٹکرائے،موٹر سائیکل پر میاں بیوی سوار تھے، جن میں سے مرد جاں بحق ہوگیا جبکہ خاتون زخمی ہوئیں۔
حکیم شہزاد نے بتایا کہ گاڑی ان کا ڈرائیور چلا رہا تھا، اور اس میں ان کے کیمرہ مین اور دیگر ملازمین بھی سوار تھے،دانیہ شاہ بھی گاڑی میں موجود تھیں، لیکن وہ محفوظ رہیں۔
گاڑی کوبھی کافی نقصان پہنچاجبکہ حکیم شہزاد کو سر پر چوٹ آئی، جس کی وجہ سے وہ بے ہوش ہوگئے،انہوں نے بتایا کہ وہ ابھی تک ذہنی طور پر مکمل صحت یاب نہیں ہوسکے ہیں۔
حکیم شہزاد نے نشے میں گاڑی چلانے کے الزامات کو بھی مسترد کرتے ہوئے واضح کیا کہ گاڑی ان کا ڈرائیور چلا رہا تھا، اور وہ خود بھی اس حادثے کے صدمے سے باہرنہیں آسکے ہیں۔
حکیم شہزاد کے مطابق دانیہ شاہ بالکل خیریت سے ہیں،وہ جاں بحق ہونے والے شخص کے بچوں اور اہل خانہ کی مالی مدد کرنے کا ارادہ رکھتے ہیں۔
یہ بھی پڑھیں:دوریاں دلوں میں بڑھتی ہی جا رہی ہیں:دھرمیندرکی تازہ پوسٹ پرمداح پریشان
واضح رہے کہ دانیہ شاہ نے جولائی 2024 میں حکیم شہزاد سے شادی کی تھی، اس سے قبل وہ فروری 2022 میں مشہورمذہبی اسکالراورٹی وی میزبان ڈاکٹرعامر لیاقت حسین سے شادی کر چکی تھیں، جو جون 2022 میں انتقال کرگئے تھے۔
حادثے کی ویڈیو سوشل میڈیا پر وائرل ہوگئی ہے، جس میں حکیم شہزاد کی گاڑی کو بری طرح تباہ حالت میں دیکھا جا سکتا ہے۔