(سید زوہیب بخاری) عام انتخابات کے حوالے سے گہما گہمی عروج پرہے,پیپلز پارٹی نے پی پی 272 سے ن لیگ اور پی پی 226 لودھراں سے مسلم لیگ ق کی اہم وکٹ اڑا دی .
تفصیلات کے مطابق ن لیگ کے امیدوار سلیم اصغر مکول کی گیلانی ہاؤس میں سابق وزیراعظم یوسف رضا گیلانی سے ملاقات ہوئی ،ملاقات کے بعد سلیم اصغر مکول نے ساتھیوں سمیت ن لیگ کو خیر باد کہہ کر پیپلز پارٹی میں شمولیت اختیار کرلی ، ملاقات میں سابق وفاقی وزیر نوابزدہ افتخار حسین ، میاں نوید مکول و دیگر شریک تھے۔
یہ بھی پڑھیں:ڈالر کا پلٹ کر وار،روپیہ بے حال انٹر بینک کے بعد اوپن مارکیٹ سے بھی بری خبر
دوسری جانب ملتان سے پاکستان پیپلز پارٹی نے ق لیگ کی بڑی وکٹ اُڑا دی ہے ،سابق ممبر صوبائی اسمبلی و پارلیمانی سیکرٹری ملک اجمل جوئیہ نے سابق وزیرِ اعظم سید یوسف رضا گیلانی سے ملاقات کی ، سابق ممبر صوبائی اسمبلی نے بیٹے ملک عاشق جوئیہ سمیت ملاقات کے بعد پیپلز پارٹی میں شمولیت اختیار کرلی ، ملک اجمل جوئیہ لودھراں پی پی 226 سے ق لیگ سے ممبر صوبائی اسمبلی بنے تھے۔