9 سال قبل سروالی چوٹی سرکرنےکی کوشش کےدوران لاپتہ 3 کوہ پیماؤں کی لاشیں مل گئیں  

(24نیوز)9  سال قبل  آزادکشمیر کی  بلند  ترین چوٹی 'سروالی'  سر کرنے کی کوشش کے دوران لاپتہ  ہونے  والے 3 کوہ پیماؤں کی لاشیں مل گئیں۔

آزاد کشمیر کی تاریخ کا سب سے بڑا سرچ اینڈ ریسکیو آپریشن کامیاب ہوگیا، 9 سال قبل سروالی چوٹی کو سر کرنے کی کوشش کرنے والے تین لاپتہ کوہ پیماؤں کی لاشوں کو  ریکور کرلیا گیا۔ لاشیں ٹی ایچ کیو ہسپتال کیل منتقل کردی گئیں۔

انچارج ایس ڈی ایم اے نیلم محمد اختر ایوب نے بتایا کہ اگست 2015  میں سروالی چوٹی کو سر کرنے کی کوشش میں عمران جنیدی، عثمان خالد اور  خرم شہزاد لاپتہ ہوگئے تھے۔ ایس ڈی ایم اے انچارج کا کہنا تھا کہ سطح سمندر  سے 20 ہزار 755 فٹ بلند سر والی چوٹی  'جو کہ ان تک ناقابل تسخیر ہے' سے کامیاب ریسکیو کرتے ہوئے لاشوں کو ریکور کیا گیا۔

یہ بھی پڑھیں:8 ستمبر کا جلسہ عمران کی رہائی کیلئے نہیں بلکہ۔۔۔علیمہ خان نے اہم بیان داغ دیا