(ارشاد قریشی) سنٹرل جیل راولپنڈی کے حکام کا کہنا ہے کہ بانی پی ٹی آئی اور اہلیہ کی ان کی فیملی ممبرز اور وکلاء سے ملاقات کروائی گئی،چند عناصر کی طرف سے ملاقات نہ کروائے جانے کا جھوٹا اور بے بنیاد پراپیگنڈہ محض سیاسی پوائنٹ سکورنگ ہے۔
تفصیلات کے مطابق سنٹرل جیل راولپنڈی میں بانی پی ٹی آئی،بشری بی بی سے فیملی ممبرز،وکلاء ملاقات اور بانی کی بیرون ملک مقیم بیٹوں سے واٹس اپ پر بات چیت کے معاملہ پر جیل حکام نے اپنے بیان میں کہا ہے کہ بانی پی ٹی آئی اور اہلیہ کی ان کی فیملی ممبرز اور وکلاء سے ملاقات کروائی گئی،بانی پی ٹی آئی کی بیرون ملک مقیم ان کے بیٹوں سے واٹس پر اپ بات چیت کروائی گئی،فیملی ممبرز مہر انساء،مبشرہ شیخ کی بشری بی بی سے ملاقات کرائی گی، بانی پی ٹی آئی کی بچوں قاسم خان، سلیمان خان سے وٹس اپ کال پر بات کرائی گئی، بیرسٹر علی ظفر بیرسٹر گوہر علی خان، ظہیر عباس ایڈوکیٹ، مبشر مقصود ایڈوکیٹ، رضیہ سلطان ایڈوکیٹ، علی عمران ایڈوکیٹ کی ملاقات کرائی گئی۔
جیل حکام کا مزید کہنا ہے کہ سنٹرل جیل راولپنڈی میں مقید بانی،بشری بی بی سےملاقاتیں معمول کے مطابق اور باقاعدگی سےکروائی جا رہی ہیں، چند عناصر کی طرف سے ملاقات نہ کروائے جانے کا جھوٹا اور بے بنیاد پراپیگنڈہ محض سیاسی پوائنٹ سکورنگ ہے، جس کا حقیقت سے کوئی تعلق نہ ہے۔
جیل حکام نے کہا ہے کہ میڈیا کوریج اور خبروں کی سرخیوں میں رہنے کے لئے گمراہ کن اور اس نوعیت کی بے بنیاد خبروں کی بھر پور تردید کی جاتی ہے۔
یہ بھی پڑھیں: تحریک انصاف کے سرکردہ رہنمائوں نے بانی کی بہنوں کو غیر قانونی حراست میں رکھنے کی مذمت کر دی