قومی ایئرلائن نے 21 سال کی طویل مدت کے بعد خالص منافع حاصل کرلیا
Stay tuned with 24 News HD Android App
(طیب سیف ) پاکستان انٹرنیشنل ایئرلائن (پی آئی اے )کے بورڈ آف ڈائریکٹرز نے پی آئی اے کے سال 2024 کے سالانہ نتائج کی منظوری دے دی،قومی ایئرلائن نے 21 سال کی طویل مدت کے بعد خالص منافع حاصل کرلیا۔
سال 2024 کے نتائج کے مطابق پی آئی اے نے 3۔9 ارب روپے آپریشنل منافع جبکہ 2۔26 ارب روپے خالص یا نیٹ منافع کمایا،پی ائی اے کا آپریٹنگ مارجن 12 فیصد سے زیادہ رہا جو دنیا کی کسی بھی بہترین ائیرلائین کی پرفارمنس کے ہم پلہ ہے۔
خیال رہے کہ پی آئی اے نے آخری منافع سال 2003 میں حاصل کیا تھا جس کے بعد 2 دہائیوں تک پی ائی اے خسارے سے دوچار رہی ،حکومت پاکستان کی سرپرستی سے پی آئی اے میں جامع اصلاحات کئے گئے ،اصلاحات کے دوران پی ائی اے کی افرادی قوت اور اخراجات میں واضح کمی، منافع بخش روٹس میں استحکام، نقصان دہ روٹس کا خاتمہ اور بیلنس شیٹ ریسٹرکچرنگ کی گئی۔
واضح رہے کہ پی آئی اے کے واپس منافع بخش ادارہ بننے سے ناصرف اس کی ساکھ میں اضافہ ہوگا بلکہ یہ ملکی معیشت کیلئے بھی مفید ثابت ہوگا۔
دوسری جانب وزیر دفاع خواجہ آصف کی جانب سے اس امر کا باضابطہ اعلان کیا گیا اور اس اعلی مالیاتی کارکردگی کو نجکاری کیلئے بہت اہم قرار دیا گیا ہے۔
یہ بھی پڑھیں؛ عیدالاضحیٰ پر کتنی چھٹیاں ہوں گی؟ اہم خبر