’محسن سپیڈ کرکٹ میں نظر آ رہی ہے‘مئیر کراچی کامحسن نقوی کو خراج تحسین 

(24نیوز)میئر کراچی مرتضیٰ وہاب بھی محسن سپیڈ کے مداح  نکلے، ریکارڈ مدت میں قذافی سٹیڈیم مکمل کرنے پر چیئرمین پاکستان کرکٹ بورڈ(پی سی بی )محسن نقوی کو خراج تحسین پیش کرتے ہوئے کہا کہ  واقعی  محسن سپیڈ کرکٹ میں نظر آ رہی ہے۔ 

تفصیلات کے مطابق  خوبصورت ترین نئے قذافی سٹیڈیم میں پاکستان اور نیوزی لینڈ کے درمیان سہ ملکی سیریز کا پہلا میچ جاری ہے،چئیرمین پاکستان کرکٹ بورڈ محسن نقوی سے  میئر کراچی مرتضی وہاب  نےسٹیڈیم میں ہی ملاقات کی، ملاقات میں کراچی میں سہ ملکی کرکٹ سیریز اور چیمپئنز ٹرافی ٹورنامنٹ کے انتظامات پر تبادلہ خیال کیا گیا،ملاقات میں نیشنل سٹیڈیم کراچی میں میچز کے انعقاد  اور شائقین کرکٹ کی سہولت کیلئے انتظامات کا جائزہ لیا گیا ۔ 

چئیرمین پی سی بی محسن نقوی نے کراچی میٹرو پولیٹن کارپوریشن کی جانب سے کرکٹ ٹورنامنٹس کے انعقاد کے لیے بھرپور تعاون پر مئیر کراچی مرتضی وہاب کا شکریہ ادا کیا

چئیرمین پی سی بی محسن نقوی اور میئر کراچی مرتضی وہاب نے پاکستان اور نیوزی لینڈ کے درمیان میچ بھی دیکھا۔

چیئرمین پاکستان کرکٹ بورڈ (پی سی بی)محسن نقوی سے ملاقات کے دوران پیپلز پارٹی رہنما اور میئر کراچی مرتضیٰٗ وہاب نے ریکارڈ مدت میں قذافی سٹیڈیم مکمل کرنے پر چیئرمین محسن نقوی کا خراج تحسین پیش کیا، ان کا کہنا تھا کہ واقعی  محسن سپیڈ کرکٹ میں نظر آ رہی ہے،ویل ڈن محسن نقوی صاحب، انتہائی شاندار معیاری قذافی سٹیڈیم دیکھ کر دل خوش ہو گیا ہے،قذافی سٹیڈیم کو دنیا کا خوبصورت ترین سٹیڈیم بنانے کا کریڈٹ آپ کو جاتا ہے۔  

 مرتضی وہاب نے قذافی سٹیڈیم کی رنگارنگ افتتاحی تقریب پر چئیرمین پی سی بی محسن نقوی کو مبارکباد دی۔ 

اس دوران گفتگو کرتے ہوئے محسن نقوی کا کہنا تھا کہ 10 اکتوبر سے 7 فروری تک کے کٹھن  اور پیچیدہ کام کا  خوبصورت اور یادگار  اختتام ہوا،اس سفر میں میرے شانہ بشانہ چلنے ہر شخص کا دل کی اتھاہ گہرائیوں سے شکریہ ادا کرتا ہوں۔ 

 محسن نقوی کامزید کہنا تھا کہ اللہ تعالٰی کا جتنا بھی شکر ادا کروں کم ہے۔ 

یہ بھی پڑھیں : سہ فریقی سیریزِ:فاسٹ باولر حارث رؤف انجری کا شکار