4 برس بعد پی آئی اے کی پیرس کیلئے پرواز پر مسافروں کا رش، تمام سیٹیں بُک

(اشرف خان)پی آئی اے کی پیرس کے لیے پہلی پرواز 10 جنوری کو روانہ ہوگی جس کی تمام سیٹیں بُک ہوچکی ہیں۔ 

4سال کے انتظار کے بعد پی آئی اے کی پہلی پرواز پر عوام کا زبردست رسپانس دیکھنے آیا ہے کہ اور 10 جنوری کو اسلام اباد سے پیرس  جانے اور پیرس سے آنے  والی پرواز کی تمام سیٹیں فروخت  ہوچکی ہیں۔

ترجمان پی آئی اے کے مطابق پاکستان سے پیرس کی دوطرفہ پرواز کی اکانومی کی کلاس کی تقریباً تمام نشستیں فروخت ہوگئی ہیں،  پہلی پرواز سے پی آئی اے کو گیارہ کروڑ روپے سے زائد کا ریونیو حاصل ہوگا۔

یہ بھی پڑھیں:طاقتور ترین پاسپورٹ کی نئی رینکنگ جاری بھارت کی ترقی،پاکستان کا کونسا نمبر؟جانیے

ترجمان کے مطابق  طیارے میں مجموعی طور پر 323 مسافروں کی گنجائش ہے،اور پہلی پرواز میں ایگزیکٹو اکانومی  کی صرف گیارہ نشستیں باقی بچی ہیں، اگلے ہفتے والی پروازوں کی بھی تقریباً 85 فیصد سیٹیں فروخت ہوگئی ہیں، صرف ایگزیکٹو اکنامی کی کچھ نشتیں باقی ہیں۔

ترجمان پی آئی اے کا کہنا ہے کہ یورپ سے پاکستان براہ راست پروازوں کی بہت ڈیمانڈ تھی۔

 یہ بھی پڑھیں:چیمپئنز ٹرافی سے قبل مایہ ناز کھلاڑی نے انٹرنیشنل کرکٹ کو خیرباد کہہ دیا