منی مارکیٹ میں فنڈز کی کمی، اسٹیٹ بنک نے 7 ہزار 6 سو 29 ارب 30 کروڑ فراہم کردیے

(اشرف خان) منی مارکیٹ سسٹم میں رقم کی کمی پر اسٹیٹ بنک نے اوپن مارکیٹ آپریشن کے ذریعے کمرشل بنکوں اور اسلامی بنکوں کو مجموعی طور پر 7 ہزار 6 سو 29 ارب 30 کروڑ روپے فراہم کردیے۔

اسٹیٹ بنک ذرائع کے مطابق کمرشل بنکوں کو 7 ہزار 5 سو 8 ارب 80 کروڑ روپے فراہم کیے گئے ہیں جبکہ اسلامی بنکوں کو 1 سو 20 ارب 30 کروڑ روپے فراہم کیے گئے ہیں۔

یہ بھی پڑھیے: آئی ایم ایف اپنا مشن پاکستان بھیجنے کو تیار،حکومت نے بھی منصوبہ بنالیا

کمرشل بنکوں کو 7 روز کیلئے 7 ہزار 2 سو 62 ارب 60 کروڑ روپے 22.05 فیصد پر دیے گئے ہیں جبکہ باقی کے 2 سو 46 ارب 20 کروڑ روپے 28 روز کیلئے 22.07 فیصد پر فراہم دیے گئے ہیں۔

اسی طرح اسلامی بنکوں کو 2 سو 28 اعشاریہ 5 ارب سات روز کیلئے 22.04 فیصد پر فراہم کیے گئے ہیں جبکہ اسلامی بنکوں کو 1 سو 20 اعشاریہ 50 ارب روپے سات روز کیلئے 22.08 فیصد پر فراہم کیے گئے ہیں۔