ارشد چائے والا کاشناختی کارڈ اور پاسپورٹ بلاک

(ویب ڈیسک) ارشد خان المعروف چائے والے کا شناختی کارڈ اور پاسپورٹ بلاک کردیا گیا۔

17 برس کی عمر میں اسلام آباد کے ایک بازار میں چائے بیچتے ہوئے تصویر سوشل میڈیا پر وائرل ہونے سے شہرت پانے والے ارشد خان کی پاکستانی شہریت پر سوال اٹھ گئے ہیں،نادرا اور پاسپورٹ حکام نے شہریت کے شواہد پیش نہ کرنے پرارشد خان کے شناختی کارڈ اور پاسپورٹ بلاک کردیے ہیں۔

شناختی کارڈ اور پاسپورٹ بلاک کیے جانے کے خلاف ارشد خان نے عمر اعجاز گیلانی ایڈووکیٹ کے ذریعے لاہور ہائیکورٹ راولپنڈی بینچ سے رجوع کرلیا ہے۔

یہ بھی پڑھیں:پنجاب اسمبلی جعلی بھرتی کیس: پرویز الہٰی کی حاضری معافی کی درخواست دائر

 درخواست گزار نے عدالت میں مؤقف اختیار کیا  ہے کہ ان سے 1978 سے قبل کے رہائشی شواہد مانگے جارہے ہیں جس پر عدالت نے  متعلقہ حکام کو ریکارڈ سمیت17اپریل کو طلب کرلیا ہے۔