3 ماہ میں پاکستان کے قرضوں میں 1.3 ٹریلین روپے کا اضافہ ہوا،محمد اورنگزیب

(عثمان خان)  وفاقی وزیر خزانہ محمد اورنگزیب نے کہا ہے کہ دسمبر 2024 سے فروری 2025 تک پاکستان کے قرضوں میں 1.3 ٹریلین روپے کا اضافہ ہوا،اس دوران قرضہ 74 ٹریلین سے بڑھ کر 75.3 ٹریلین تک پہنچ گیا۔مجموعی طور پر مختلف اداروں کو 942 ارب99 کروڑ روپے فراہم کئے گئے۔

قومی اسمبلی کے اجلاس میں مالی سال2024-25 کی پہلی ششماہی میں وزارتوں اور محکموں کو دی جانے والی سبسڈیز،گرانٹس اور قرضوں کی تفصیلات پیش کردی گئیں، وقفہ سوالات  کے دوران وفاقی وزیر خزانہ محمد اورنگزیب نے بتایا کہ مجموعی طور پر مختلف اداروں کو 942 ارب99 کروڑ روپے فراہم کئے گئے،مالی سال 2024-25 کی پہلی ششماہی میں شعبوں/ اداروں کو 237 ارب 31 کروڑ کی سبسڈی دی گئی،پاور سیکٹر کو 218 ارب 31 کروڑ 30 لاکھ روپے کی سبسڈی دی گئی،پیسکو  کو 2 ارب 40 کروڑ اور ہاؤسنگ فنانس کی مد میں 5 ارب 79 کروڑ کی سبسڈی دی گئی،جی بی کےلئے گندم پر سبسڈی 3 ارب 81 کروڑ روپے دی گئی،دوبارہ فنانس کی سہولت کے تحت 6 ارب 90 کروڑ کی سبسڈی دی گئی۔

محمد اورنگزیب نے قومی اسمبلی کو بتایا کہ مختلف اداروں کو گرانٹس کی مد میں 644 ارب 17 کروڑ روپے فرام کئے گئے،بے نظیر انکم سپورٹ پروگرام کو 232 ارب 25 کروڑ روپے دیئے گئے،ہائیر ایجوکیشن کمیشن کو 22 ارب  59 کروڑ اور ریلوے کو 26 ارب 66 کروڑ روپے دیئے گئے،بیت المال کو 3 ارب 14 کروڑ اور دیگر کو 359 ارب  53 کروڑ روپے فراہم کئے گئے،اس دوران مختلف اداروں کو قرضں کی مد میں 61 ارب 51 ارب روپے فراہم کئے،قرضوں کی مد میں این ایچ اے کو 48 ارب 32 کروڑ روپے دیئے گئے،این ٹی ڈی سی کو 7 ارب 48 کروڑ،جینکو کو 5 ارب 50 کروڑ اور دیگر کو 21 کروڑ روپے دیئے گئے۔
 وزیر خزانہ کا کہنا تھا کہ دسمبر 2024 سے فروری 2025 تک پاکستان کے قرضوں میں 1.3 ٹریلین روپے کا اضافہ ہوا،اس دوران قرضہ 74 ٹریلین سے بڑھ کر 75.3 ٹریلین تک پہنچ گیا۔

یہ بھی پڑھیں:سونے کی فی تولہ قیمت میں 3 ہزار روپے کا بڑا اضافہ