(بابر شہزاد ترک ) ٹرانسپرنسی انٹرنیشنل پاکستان نے وزیر اعظم شہباز شریف کو خط لکھا ہے جس میں دوا سازی کے شعبے میں ریگولیٹری خامیوں پر تشویش کا اظہار کیا گیا ہے۔
خط کے متن کے مطابق دوا ساز کمپنیاں مصنوعی قلت پیدا کر کے مہنگی ادویات فروخت کر رہی ہیں، طبی آلات کے قواعد کی خلاف ورزی، مینوفیکچررز کی جانب سے منظوریوں میں تاخیر کا انکشاف بھی کیا گیا ہے۔
خط میں وفاقی حکومت پر دوا سازی کی صنعت پر مؤثر نگرانی نہ کرنے کا الزام بھی لگایا گیا ہے،خط کے مطابق گزشتہ ڈھائی سالوں میں وفاقی انسپکٹرز برائے ادویات کی نئی تقرری عمل میں نہ آسکی،ملک بھر میں صرف دو وفاقی انسپکٹرز فعال، دوا سازی کا شعبہ غیر نگرانی کا شکار ہے،700 سے زائد دوا ساز لائسنس ہولڈرز بغیر مناسب نگرانی کے کام کر رہے ہیں ،غیر منظم اور مضر طبی مصنوعات کے مارکیٹ میں داخل ہونے کا خدشہ ہے۔
متن میں مزید لکھا ہے کہ 2012 کے ڈریپ ایکٹ کے باوجود مستقل ڈائریکٹر کی عدم تقرری پر سوالات جنم لے رہے ہیں،ٹرانسپرنسی انٹرنیشنل پاکستان نےوزیر اعظم سے تحقیقات کا مطالبہ کیا ہے،ضروری وفاقی انسپکٹرز کی تقرری اور قوانین پر سختی سے عمل درآمد پر زور دیا گیاہے جبکہ نظام صحت کی سالمیت برقرار رکھنے کیلئے فیصلہ کن اقدامات اٹھانے کا مطالبہ بھی کیا گیا ہے۔
یہ بھی پڑھیں ؛ لاہور ہائیکورٹ:اخراج مقدمہ کی درخواست پر سی پی او فیصل آباد کی سرزنش