بلوچستان کی صورتحال پر ن لیگی قائد کا  کردار بہت اہم ،ڈاکٹر عبدالمالک بلوچ کی نواز شریف سے ملاقات

(رائو دلشاد) پاکستان مسلم لیگ (ن) کے صدر محمد نواز شریف سے نیشنل پارٹی کے صدر اور سابق وزیراعلی بلوچستان ڈاکٹر عبدالمالک بلوچ کی ملاقات، دونوں قائدین نے مجموعی ملکی صورتحال اور بلوچستان کے حوالے سے تبادلہ خیال کیا ۔

تفصیلات کے مطابق جاتی عمرہ میں محمد نواز شریف سے ملاقات کے موقع پر ڈاکٹر عبدالمالک بلوچ نے مہنگائی کی رفتار اور بجلی کی قیمتوں میں کمی کرنے پر  ن لیگی قائد کو مبارکباد دی۔ ڈاکٹر عبدالمالک بلوچ نے گفتگو کرتے ہوئے کہا کہ نواز شریف اور دیگر قیادت کا شکر گزار ہوں کے روایت کے مطابق ہمارا استقبال کیا، ہم نے نواز شریف کو کہا کہ بلوچستان کی جو صورتحال ہے اس پر آپ کا کردار بہت اہم ہے،بلوچستان کے سیاسی معاملات پر ہم نے تفصیل سے بات کی ہے،بلوچستان میں دھرنا ہے اور جو لوگ جیلوں میں ہیں اس پر میاں نواز شریف کردار ادا کرے،نواز شریف ایک سینیئر سیاست دان ہے،نواز شریف نے کہا ہے کہ بلوچستان آؤں گا لوگوں سے ملو ں گا،بلوچستان کا مسئلہ سیاسی ہے اس کو سیاسی طریقے سے حل ہونا چاہی،نواز شریف نے کہا ہے کہ بلوچستان آؤں گا  اور لوگوں سے ملوں گا،نواز شریف راضی ہوگئے کہ اپنا کردار ادا کریں گے،

جاتی عمرہ میں موجود سینئر  ن لیگی رہنما خواجہ سعد رفیق نے  گفتگو کرتے ہوئے کہا آج ڈاکٹر عبدالمالک بلوچ نواز شریف سے ملاقات کے لئے جاتی عمرہ تشریف لائے تھے،

اس تفصیلی ملاقات میں بلوچستان کی صورتحال پر بات چیت کی گئی،،ڈاکٹر صاحب نے خیالات سے آگاہ کیا،ڈاکٹر صاحب نے درخواست کی کہ نواز شریف سینیئر سیاست دان کے طور پر اپنا کردار ادا کرنا چاہیے،ہم نے اس پر تفصیلی بات کی ہے،بدقسمتی سے جمہوریت میں تعطل آ گیا اور صورتحال یہاں تک پہنچی،میاں نواز شریف نے یقین دلوایا ہے کہ وہ ذاتی طور پر دلچسپی لے کر حل نکالیں گے۔

یہ بھی پڑھیں:سونے کی فی تولہ قیمت میں 3 ہزار روپے کا بڑا اضافہ