میں حافظ قرآن ہوں، معروف گلوکاربلال سعید کا انکشاف

(ویب ڈیسک)معروف گلوکار بلال سعید نے انکشاف کیا ہے کہ وہ حافظ قرآن ہیں۔

بلال سعید نے ایک شو میں بطور مہمان شرکت کی جہاں انہوں نے انکشاف کیا کہ وہ حافظِ قرآن ہیں تاہم بعد میں گلوکاری کو بطور پیشہ اختیار کیا،ان کے والد نے انہیں اس فیصلے کی اجازت دی کیونکہ وہ نہیں چاہتے تھے کہ بلال کسی موقع سے محروم رہیں۔

 بلال سعید نے کہا کہ جب وہ سیالکوٹ جاتے ہیں تو انہیں عجیب سا محسوس ہوتا ہے کہ کہیں ان کے قاری استاد انہیں گلوکاری کرتے نہ دیکھ لیں۔

یہ بھی پڑھیں:فردوس جمال کونہیں جانتی، ماہرہ خان کا جواب وائرل ہوگیا

 بھارت میں اپنے کام کے تجربے کے حوالے سے گفتگوکرتے ہوئے بلال سعیدنے بالی ووڈ انڈسٹری کی پیشہ ورانہ مہارت کو سراہتے ہوئے کہا کہ بھارتی انڈسٹری میں چاہے کوئی سپر اسٹار ہو یا جونیئر آرٹسٹ، سب کو اپنے معاہدوں کی مکمل پاسداری کرنی ہوتی ہے جوایک اچھا اصول ہے۔

بلال سعید نے مشورہ دیا کہ پاکستانی انڈسٹری کو بھی اس طرح کے اصول اپنانے چاہئیں تاکہ مزید ترقی ممکن ہو۔