ورلڈٹیسٹ چیمیئن شپ:ضابطہ اخلاق کی خلاف ورزی،سراج اور ہیڈ کو سزا مل گئی

(ویب ڈیسک)ورلڈٹیسٹ چیمیئن شپ،ضابطہ اخلاق کی خلاف ورزی پر آئی سی سی نےسراج اور ہیڈ کو سزا سنادی ،دونوں کھلاڑی معطل،میچ فیس کا 20 فیصد جرمانہ بھی کردیا گیا ۔
محمد سراج اور ٹریوس ہیڈ کو بارڈرگاوسکر سیریز کے دوسرے ٹیسٹ کے دوران میدان میں ہونے والے واقعے پرجرمانہ کیا گیا ہے،سراج کو کھلاڑیوں اور کھلاڑی سپورٹ پرسنل کے لیے آئی سی سی کوڈ آف کنڈکٹ کے آرٹیکل 2.5 کی خلاف ورزی کا مرتکب پائے جانے کے بعد ان کی میچ فیس کا 20 فیصد جرمانہ عائد کیا گیا ہے جو کہ زبان حرکات یا اشاروں کے استعمال سے متعلق ہے جو توہین آمیز یا جارحانہ ردعمل کو اکسانے کا باعث بن سکتا ہے۔
ہیڈ کو بھی کھلاڑیوں اور پلیئر سپورٹ پرسنل کے لیے آئی سی سی کے ضابطہ اخلاق کے آرٹیکل 2.13 کی خلاف ورزی کرنے پر سزا سنائی گئی، جس کا تعلق بین الاقوامی میچ کے دوران کھلاڑی، کھلاڑی کے معاون عملے، امپائر یا میچ ریفری کے ساتھ بدسلوکی سے ہے۔

ضرورپڑھیں:ضابطہ اخلاق کی خلاف ورزی، ٹریوس ہیڈ اور محمد سراج کی معطلی کا امکان

سراج اور ہیڈ کو ان کے تادیبی ریکارڈ پر ایک ایک ڈیمیرٹ پوائنٹ ملا، جو گزشتہ 24 مہینوں میں ان کا پہلا جرم ہے،دونوں کھلاڑیوں نے اپنے اپنے جرائم کا اعتراف کیا اور میچ ریفری رنجن مدوگالے کی تجویز کردہ پابندیوں کو قبول کیا۔

یاد رہے کہ آسٹریلیا اور بھارت کے درمیان ایڈیلیڈ میں گلابی گیند کے ٹیسٹ میں دونوں کھلاڑی غصے میں بھڑک اٹھے تھے۔