بابراعظم کی سنچری کا قحط مسلسل 62ویں اننگز تک بڑھ گیا
Stay tuned with 24 News HD Android App
(24 نیوز )چیمپئینز ٹرافی سے قبل بھی بابراعظم انٹرنیشنل کرکٹ میں اپنی فارم حاصل نہ کرسکے۔
گزشتہ روز قذافی سٹیڈیم میں کھیلے گئے میچ میں مہمان نیوزی لیںڈ کی ٹیم نے پاکستان کو 78 رنز سے شکست دیکر سہ ملکی سیریز کا فاتحانہ آغاز کیا تاہم بابراعظم کی اننگز محض 23 گیندوں پر 10 رنز بناکر وکٹ گنوا بیٹھے۔
انہیں ایک مرتبہ پھر مائیکل بریسویل نے اپنا شکار بنایا، اس سے قبل کیوی باؤلر نے ون ڈے انٹرنیشنل اورٹیسٹ فارمیٹ میں ایک، ایک جبکہ ٹی20 میں 4 بار بابراعظم کی وکٹ حاصل کی ہے۔
مزید پڑھیں: کیوی سپنر بابر اعظم کیلئےڈراؤناخواب،کتنی بارآؤٹ کیا؟
میچ کی دوسری اننگز میں بابراعظم، فخر زمان کیساتھ اوپننگ کیلئے آئے تاہم وہ جلد وکٹ گنوابیٹھے۔
ان کی طویل سنچری کا قحط بین الاقوامی سطح پر 62 اننگز تک بڑھ گیا جبکہ بابراعظم کی آخری سنچری 30 اگست 2023 کو ایشیا کپ میں نیپال کیخلاف سکور کی تھی۔