(روزینہ علی)آج رات ملک کے بیشتر علاقوں میں موسم سرد اور خشک رہنے کا امکان ہے۔تا ہم شمال مغربی بلوچستان ،بالائی خیبرپختونخوا اور گلگت بلتستان میں مطلع جزوی ابر آلود رہنے کے علاوہ چند مقامات پر ہلکی بارش/ہلکی برفباری کی توقع ہے۔
محکہ موسمیات کی رپورٹ کے مطابق سوموار کے روز اسلام آباد اور گردونواح میں موسم سرد اور مطلع جزوی ابر آلود رہنے کے علاوہ شام/ رات کے اوقات میں تیز ہواؤں کے ساتھ ہلکی بارش کا امکان ہے۔
ادھرخیبرپختونخوا کے بیشتر اضلاع میں موسم سرد اورمطلع جزوی ابر آلود رہے گا ۔تا ہم چترال،دیر، سوات ، کوہستان، شانگلہ، بٹگرام، مانسہرہ ،کرم، خیبر، پشاور،مہمند،باجوڑ اور وزیرستان میں چند مقامات پربارش/ برفباری کا امکان ہے۔
یہ بھی پڑھیں:راکھی ساونت سے شادی،مفتی قویٰ دبئی روانہ،اہم بیان جاری کردیا
پنجاب کے بیشتر اضلاع میں موسم سرد اور خشک رہے گا۔ جبکہ اٹک،راولپنڈ ی اور جہلم میں مطلع جزوی ابر آلود رہنے کے علاوہ شام/رات میں تیز ہواؤں کے ساتھ ہلکی بارش ہو سکتی ہے ۔ مری، گلیات اور گردونواح میں مطلع ابر آلود رہنے کے علاوہ ہلکی بارش /ہلکی برفباری کا امکان ہے۔
رپورٹ کے مطابق بلوچستان کے بیشتر اضلاع میں موسم سرد اور خشک جبکہ شمالی اضلاع میں مطلع جزوی ابر آلود رہنے کے علاوہ کوئٹہ، زیارت،پشین اور قلعہ عبداللہ میں چند مقامات پر بارش اور برفباری کا امکان ہے۔
سندھ کے بیشتر اضلاع میں موسم خشک اور سرد رہے گا۔کشمیر گلگت بلتستان میں مطلع ابر آلود رہنے کے علاوہ چند مقامات پر بارش/ برفباری کا امکان ہے۔
آج کم سےکم درجہ حرارت لہہ منفی07، اسکردو، گوپس منفی06 ، بگروٹ، ہنزہ،پاڑہ چنار منفی 03، کالام منفی 02،کاکول، راولاکوٹ اور گلگت میں منفی 01 ڈگری سینٹی گریڈ ریکارڈ کیا گیا ۔
یہ بھی پڑھیں:شبھمن گل کس اداکارہ کی محبت میں گرفتار ہیں؟بھارتی کرکٹر نے پہلی بار نام بتا دیا