ساڑھے 4سال بعد پی آئی اے کی پہلی پرواز پیرس کیلئے کل روانہ ہوگی

(طیب سیف)پاکستان انٹرنیشنل ایئر لائنز (پی آئی اے)کی تقریباً ساڑھے چار سال کے عرصے کے بعد پیرس کیلئے پہلی پرواز جمعہ کو روانہ ہوگی۔

ترجمان کا کہنا ہے کہ  پی آئی اے پیرس کیلئے ہفتہ وار دو براہ راست پروازیں چلا رہی  ہے،پہلی پرواز جمعہ 10 جنوری کو اسلام آباد سے پیرس کیلئے12 بجکر 10 منٹ پر روانہ ہوگی۔

ترجمان کا مزید کہنا ہے کہ پیرس آنے اور جانے والی پہلی اور دوسری پروازوں کیلئے فلائٹ بکنگ فل ہو چکی ہے جو کہ بہت خوش آئند بات ہے  ،پی آئی اے نے انٹرنیٹ وائرلیس انٹرٹینمنٹ سسٹم کے ذریعے ان فلائٹ انٹرٹینمنٹ کیلئے بھی خصوصی انتظامات کئے ہیں،مسافر  اپنے موبائل فون، ٹیبلٹ یا لیپ ٹاپ کمپیوٹر  کے ذریعے ان فلائٹ انٹرٹینمنٹ استعمال کر سکیں گے۔

یہ بھی پڑھیں:جمعہ مبارک!محکمہ موسمیات کی گرج چمک کیساتھ بارش کی پیشگوئی

ترجمان نے کہاکہ مسافروں کی جانب سے فلائٹ پر مثبت ردعمل سے ہم مستقبل میں مزید بہتر لوڈز کی توقع رکھتے ہیں،پیرس کی پروازیں اب فرانس اور پاکستان میں پاکستانیوں کی دیرینہ خواہش  کو پورا کرتی ہیں،پی آئی اے کی جانب سے مسافروں کو وقت کی بچت کی سہولت کے ساتھ سستے داموں ٹکٹ مل رہے ہیں ۔

یہ بھی پڑھیں:فاسٹ بولر حارث رؤف سے متعلق اہم خبر آ گئی