جگر کو صحت مند رکھنے کن غذاؤں کا استعمال کرنا چاہیے؟

(ویب ڈیسک)جگر انسانی جسم میں فلٹریشن اسٹیشن ہے, اگر جگر خراب ہو جائے تو انسان زندہ نہیں رہ سکتا۔

جگر کی اہمیت کا اندازہ اس بات سے لگا سکتے ہیں کہ ماہرین کے مطابق یہ جسم میں ’’پانچ سو سے زائد‘‘ افعال انجام دینے میں اپنا کردار ادا کرتا ہے۔

جگر (جلد کے بعد) انسانی جسم کا سب سے بڑا عضو ہے, جب ہم کچھ کھاتے یا پیتے ہیں تو جگر اس سے غذائی اجزا نکال کر جسم کو فراہم کرتا ہے, اس خوراک کا باقی حصہ زہریلا کہلاتا ہے۔ یہ خون میں جذب ہوتا ہے جو جگر سے گزرتا ہے۔ جگر ایک مادہ خارج کرتا ہے جسے بائل کہتے ہیں, یہ مادہ جسم سے زہریلے مادوں کو نکالنے میں بھی مفید ہے۔

 اگر جگر اور گردے خراب ہو جائیں یا اپنی ذمہ داریاں صحیح طریقے سے ادا نہ کریں تو انسانی جسم میں آہستہ آہستہ زہریلے مادے جمع ہونا شروع ہو جائیں گے, یہ مادے انسان کو بیمار کرنے کا باعث بنتے ہیں اور اگر بروقت علاج نہ کیا جائے تو مریض کی موت بھی ہو سکتی ہے۔

یہ بھی پڑھیں:رمضان میں وزن کو بڑھنے سے کیسے روکا جاسکتا ہے؟

جگر کو نقصان سے بچانے کے لیے ضروری ہے کہ اچھی خوراک کھائی جائے,وجہ یہ ہے کہ جگر جسم میں خوراک پر عمل کرتا ہے۔ اگر ہم زیادہ کھانا کھانے لگیں یا اس خوراک میں چکنائی، مصالحہ جات، چینی اور نمک کی مقدار زیادہ ہو تو ایسی خوراک جگر کو طویل عرصے تک نقصان پہنچاتی ہے۔ پھر جگر کو ان خراب اور زائد خوراکوں سے چھٹکارا پانے کے لیے زیادہ محنت کرنی پڑتی ہے۔ اس ضرورت سے زیادہ کوشش کے جگر پر بھی منفی اثرات مرتب ہوتے ہیں۔