مشہور کمپنی نے گاڑیوں کی قیمت میں 8لاکھ روپےتک کمی کا اعلان کردیا

(24نیوز)گاڑیوں کی مشہور کمپنی ہنڈائی نشاط موٹرز نے اپنے 2جدیدماڈلز( ٹوسان اور سانتافے)کی قیمتوں میں محدود وقت  کیلئے بڑی کمی کا اعلان کر دیا ہے۔

کمپنی کے مطابق ٹوسان کے تمام ویرینٹس کی قیمتوں میں 2 لاکھ روپے تک کمی کی گئی ہے، جبکہ سانتافے کی قیمتوں میں 8 لاکھ روپے تک کی کمی کی گئی ہے،یہ قیمتیں 31 دسمبر 2024 تک نافذ العمل رہیں گی۔

 ٹوسان کے تمام ویرینٹس کی قیمت میں 2 لاکھ روپے کمی کی گئی ہے،ٹوسان AWD الٹیمیٹ (بلیک) کی نئی قیمت 87,84,000 روپے ہوگی، جو پہلے 89,84,000 روپے تھی۔

ٹوسان AWD الٹیمیٹ (بیج) کی نئی قیمت 87,09,000 روپے مقرر کی گئی ہے، جو پہلے 89,09,000 روپے تھی،ٹوسان FWD جی ایل ایس اسپورٹ کی قیمت اب 80,80,000 روپے ہے، جو پہلے 82,80,000 روپے تھی،FWD جی ایل ایس ویرینٹ کی نئی قیمت 71,15,000 روپے مقرر کی گئی ہے، جو پہلے 73,15,000 روپے تھی۔

 سانتافے AWD سگنیچر کی قیمت میں 8 لاکھ روپے کمی کے بعد اب یہ 13,899,000 روپے ہے، جبکہ اس کی پہلے قیمت 14,699,000 روپے تھی،سانتافے FWD اسمارٹ کی قیمت میں 5 لاکھ روپے کمی کی گئی ہے، جس کے بعد اس کی نئی قیمت 12,490,000 روپے ہے جو پہلے 12,990,000 روپے تھی۔

یہ بھی پڑھیں:  عالمی منڈی میں پیٹرولیم مصنوعات کی قیمتوں میں بڑی کمی ریکارڈ