(24نیوز)لیبیا کے ساحل کے قریب پاکستانی شہریوں کی ایک اورکشتی حادثے کا شکارہو گئی۔
تفصیلات کے مطابق ترجمان دفتر خارجہ کا کہنا ہے کہ لیبیا میں پاکستانی سفارتخانے کے مطابق 65مسافروں کو لے جانے والی کشتی الٹ گئی،لییا میں پاکستانی سفارتخانے کے مطابق کشتی مرساڈیلا کی بندرگاہ کے قریب الٹی۔
ترجمان دفتر خارجہ کاکہنا ہے کہ طرابلس میں پاکستانی سفارتخانے کی ٹیم زاویہ ہسپتال روانہ کردی گئی،پاکستانی سفارتخانہ کی ٹیم مقامی حکام کی معاونت کرے گی،وزارت خارجہ میں کرائسز مینجمنٹ یونٹ متحرک کردیاگیا،ترجمان نے مزید کہا کہ لیبیا کشتی حادثہ میں متاثرہ پاکستانیوں کی تفصیلات جمع کی جارہی ہیں۔
یہ بھی پڑھیں : سموگ ، فضائی آلودگی کا خاتمہ ، 28 بھٹے مسمار،14 صنعتی یونٹس سیل، 5،5 لاکھ جرمانہ
غیر ملکی خبر ایجنسی کے مطابق مرسا ڈیلا بندرگاہ سے تارکین وطن کی کشتی ڈوبنے کے بعد 10 لاشیں نکالی گئیں۔
لیبیا ہلال احمر کے مطابق زاویہ شہر میں مرسا ڈیلا بندرگاہ سے تارکین وطن کی لاشیں جمعرات کو نکالی گئیں، تارکین وطن کی لاشوں کوقانونی کارروائی کےلئےمقامی حکام کےسپرد کر دیا گیا ہے۔
لیبین میڈیا کے مطابق ہلال احمر نے کشتی ڈوبنے کی وجہ اور مسافروں کی شناخت نہیں بتائی۔