پریانکا چوپڑا کی فلم"انوجا"آسکر کے لیے شارٹ لسٹ 

 (ویب ڈیسک)معروف بھارتی اداکارہ پریانکا چوپڑا کی بطور ایگزیکٹیو پروڈیوسرشارٹ فلم "انوجا"آسکر کی دوڑمیں شامل ہو گئی۔

بھارتی میڈیا کے مطابق پریانکا چوپڑا کی مختصر فلم "انوجا" کو مارچ میں ہونے والے آسکرایوارڈز کی نامزدگیوں میں شارٹ لسٹ کر لیا گیا ہے۔

یہ فلم دہلی میں شوٹ کی گئی ہے جس کی کہانی ایک چھوٹی لڑکی انوجا کے گرد گھومتی ہے،فلم میں چائلڈ لیبر اور تعلیم سے جڑے مسائل پر روشنی ڈالی گئی ہے۔

 یہ فلم اس سے قبل شارٹ فلم فیسٹیول میں لائیو ایکشن شارٹ ایوارڈ  بھی حاصل کر چکی ہے،فلم کی ہدایات ایڈم جے گریو نے دی ہے جبکہ پروڈیوسرز ساچیترا مٹائی ہیں۔

یہ بھی پڑھیں:ایک "ویڈیو"نے معروف اداکارہ کا شوبز کیریئر تباہ کردیا

پریانکا چوپڑا کا"انوجا" کے حوالے سے کہناہے کہ اس فلم کے ساتھ جڑنا میرے لیے فخر کی بات ہے، یہ فلم ایک نازک مسئلے پر روشنی ڈالتی ہے جس سے لاکھوں بچے متاثر ہوتے ہیں۔