ن لیگ سے حکومت نہیں چل رہی، قرضے لیکر عوام کا امتحان لیا جارہا ہے: آصف علی زرداری
![ن لیگ سے حکومت نہیں چل رہی، قرضے لیکر عوام کا امتحان لیا جارہا ہے: آصف علی زرداری](https://www.24urdu.com/digital_images/large/2024-07-10/news-1720636661-1416.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز) صدر مملکت آصف علی زرداری نے کہا ہے کہ آئی ایم ایف سے قرضے لیکر عوام کا امتحان لیا جارہا ہے ، ن لیگ سے حکومت نہیں چل رہی۔
لاہور میں صدر پاکستان آصف علی زرداری سے پیپلز پارٹی کے رہنماؤں کے اجلاس میں پیپلز پارٹی کے رہنماؤں نے صدر مملکت سے پارٹی کارکنوں کے کام نہ ہونے کی شکایت کر تے ہوئے کہنا تھا کہ حکومت پنجاب اور وفاقی حکومت تعاون نہیں کر رہیں ، ہمیں ہمارا پورا حق نہیں دیا جا رہا، ٹکٹ ہولڈرز کا کہنا تھا کہ انتخابی حلقوں کے مسائل حل نہیں ہو رہے،ہم بھی ووٹ حاصل کرتے ہیں ووٹرز کو مطمئن کرنا پڑتا ہے۔
آصف علی زرداری نے رہنماؤں کے مسائل کے حل کی یقین دہانی کروادی ان کا کہنا تھا کہ اب خود میدان میں آگیا ہوں، اسلام آباد ہوں یا لاہور سب سے کام کرواں گا ، کوئی سیاسی جماعت پیپلزپارٹی کے مقابلے کی نہیں ہے،میری جماعت پر تنقید ہوتی ہے یہ میں ثواب سمجھتا ہوں۔
صدرپاکستان نے کہا کہ آئی ایم ایف سے قرضے لیکر عوام کا امتحان لیا جارہا ہے، ن لیگ سے حکومت نہیں چل رہی ، آصف علی زرداری کا مزید کہنا تھا کہ ایک سابق وزیراعظم جو میں میں کرتا تھا آج جیل میں بیٹھا ہے ،ان کا مزید کہنا تھا کہ ہم حکومت بنانا بھی جانتے ہیں اور گرانا بھی ہم اپنی عوام کو تنہا نہیں چھوڑے گے۔
ذرائع کے مطابق آصف زرداری نے پیپلز پارٹی پنجاب کی قیادت کو مل بیٹھ کر مسائل حل کرنے ہدایت کی ، پیپلز پارٹی کارکن تیار ہو جائیں ابھی بہت کام کرنا ہے، پیپلز پارٹی کی تنظیم میں نوجوانوں کو آگے لایا جائے ، صدر مملکت نے پیپلز پارٹی کی تنظیم سازی کی رپورٹ بھی طلب کرلی ،انہوں نے کہا ڈرائنگ روم کی سیاست نہیں کرنی باہر نکلنا ہے ۔
یہ بھی پڑھیں: صدر آصف علی زرداری کا دورہ لاہور،ملاقات کیلئے پیپلز پارٹی رہنمابلاول ہاؤس پہنچنا شروع