پنجاب لوکل گورنمنٹ ترمیمی بل منظوری کے لیے آج پیش ہو گا

(ویب ڈیسک) پنجاب لوکل گورنمنٹ ترمیمی بل منظوری کے لیے آج  پنجاب اسمبلی کے اجلاس میں پیش کیاجائے گا۔

پنجاب اسمبلی کے آج ہونے والے اجلاس کے ایجنڈے میں پنجاب لوکل گورنمنٹ ترمیمی بل 2025 سر فہرست ہے،اس کے علاوہ آج کے ایجنڈے میں دیگر سات اہم بلز بھی شامل ہیں۔

ان بلز میں پنجاب انفراسٹرکچر ڈویلپمنٹ سیس بل 2025، پنجاب کھل پنچایت ریپیل بل 2025، نوٹریز ترمیمی بل 2025، پنجاب موٹر وہیکلز ترمیمی بل 2025 اور پنجاب فرانزک سائنس اتھارٹی ترمیمی بل 2025 شامل ہیں۔

یہ بھی پڑھیں:مارک کارنے کینیڈا کی حکمران جماعت کے نئے لیڈر منتخب

پنجاب اسمبلی کے آج کے اجلاس میں خواتین کو با اختیار بنانے اور امن و امان کے موضوع پر بھی بحث کی جائے گی،اجلاس میں ان تمام بلز کی منظوری کے لیے صوبائی اسمبلی میں بحث کی جائے گی اور متعلقہ کمیٹیوں کی جانب سے تجویز کردہ ترامیم پر غور کیا جائے گا۔