بالی ووڈ میں میری جان لینے کی کوششیں کی گئیں:گوندا کاانکشاف

(ویب ڈیسک)معروف بھارتی اداکار گووندا نے انکشاف کیا ہے کہ بالی ووڈ میں ان کیخلاف سازشیں کی گئی ہیں۔ 

مکیش کھنہ کے ساتھ ایک حالیہ انٹرویو میں گفتگو کرتے ہوئے بالی ووڈکے معروف اداکار گووندا نے کہا کہ لوگوں نے ان کے خلاف سازش کی اور ان سازشوں کے بعد ان کی فطرت بدل گئی۔ 

انٹرویو کے دوران معروف اداکار نے اپنے فلمی کیرئیر کے ابتدائی دنوں کا تذکرہ کیا جس میں انہوں نے بہت سی مشکلات کا سامنا کیا یہاں تک کہ انہیں جان سے مارنے کی دھمکیاں بھی دی گئی تھیں۔ 

گووندا نے مزیدکہاکہ وہ سو کروڑ کی فلمیں کرنے سے بھی منع کر چکے ہیں اور جب وہ کام کرنے سے منع کرتے تھے تو ان کے خلاف لکھا جاتا تھا کہ ان کے پاس کام نہیں ہے۔

بالی ووڈ اداکار کے مطابق وہ اپنے فیصلوں پر درست تھے کیونکہ وہ اپنے دل کی سنتے تھے، سیاست میں قدم رکھنے سے متعلق سوال پران کا کہنا تھا کہ انڈسٹری میں بہت سے لوگوں نے میرے خلاف سازش کی مجھے بدنام کرنا چاہا، وہ مجھے انڈسٹری سے باہر نکالنا چاہتے تھے۔

یہ بھی پڑھیں:ڈرامہ کیوں نہیں لکھ رہی؟صائمہ اکرم چوہدری نے وجہ بتادی

گووندا نے انکشاف کیا کہ ان کی جان لینے کی بھی کوششیں کی گئیں، ان کے گھر کے باہر سے مسلح افراد پکڑے گئے،ان سب حالات کی وجہ سے میری فطرت میں بڑا بدلاؤ آیا اور میں سوچتا تھا کہ سیاست میں آؤں یا نہیں اور پھر میں نے وہی کیا جو میرے دل کی آواز تھی سیاست کا حصہ بننا۔