سلمان خان کس اداکارہ سے شادی کرنا چاہتے تھے؟ بالی ووڈسپرسٹار نے بتادیا

(ویب ڈیسک)بالی ووڈ کے دبنگ سپرسٹار سلمان خان اداکارہ ریکھا کے عشق میں مبتلا نکلے اور اُن سے شادی بھی کرنے کے خواہش مند تھے۔

 بھارتی میڈیا کے مطابق بالی ووڈ کے سپرسٹارسلمان خان اداکارہ ریکھا کے عشق میں جوانی میں مبتلا تھے اور انہوں نے اس بات کا انکشاف بھی کیا تھا کہ وہ ریکھا سے شادی کرنے کے خواہش مند بھی تھے۔

کچھ سال قبل ریکھا اپنی فلم "سپر نانی" کی تشہیر کے لیے بگ باس کے سیٹ پر آئیں تو شو کے میزبان سلمان خان نے اُس وقت انکشاف کیا تھا کہ وہ اپنی جوانی میں ریکھا کی محبت اور عشق میں گرفتار تھے۔

دبنگ سپرسٹار نے یاد دلایا کہ ریکھا اور وہ پڑوسی ہوا کرتے تھے، اور وہ صبح 5:30 بجے اُٹھ کر اداکارہ کو واک پر جاتے دیکھنے کیلیے تیار ہوکر باہر کھڑے ہوجاتے تھے،انہوں نے ریکھا کی وجہ سے ہی یوگا کلاسز کیلیے داخلہ لیا اور وہ بس اداکارہ کو دیکھنے کیلیے جاتے تھے جبکہ یوگا میں اُن کی کوئی دلچسپی نہیں تھی۔

سلمان خان نے مزید بتایا تھا کہ وہ گھر جا کر سب کو بتا دیا کرتے تھے کہ جب وہ بڑے ہو جائیں گے تو ریکھا سے شادی کریں گے۔
یہ بھی پڑھیں:بالی ووڈ میں میری جان لینے کی کوششیں کی گئیں:گوندا کاانکشاف

 اِس پر سلمان خان نے مذاق میں کہاتھا کہ شاید یہی وجہ ہے کہ میری شادی نہیں ہوئی،ریکھا نے بھی اس کے جواب میں کہاتھاکہ شاید میری بھی اِسی لیے نہیں ہوئی۔