سگنل دیتی رہی لیکن امیرگیلانی نے اظہارمحبت نہیں کیا:ماوراحسین
میرے شوہرقدرے شرمیلے شخص ہیں، ان کی جانب سے اظہار محبت ان کی والدہ نے کیا
Stay tuned with 24 News HD Android App
(ویب ڈیسک)معروف اداکارہ ماروا حسین نے انکشاف کیا ہے کہ وہ کافی عرصے تک ناز نخرے اور ادائیں دکھا کر امیر گیلانی کو محبت کے سگنل دیتی رہیں لیکن امیرگیلانی نے ان سے اظہار محبت نہیں کیا۔
ماورا حسین نے حال ہی میں بھارتی میڈیا کو دیے گئے انٹرویو میں اپنی محبت کی کہانی بتائی۔
ماوراحسین نے بتایاکہ امیر گیلانی قدرے شرمیلے شخص ہیں، وہ کم بولتے ہیں، ان سے زیادہ بولا نہیں جاتا،اگر امیر گیلانی کسی سے چند منٹ تک بات کرلیں تو سمجھیں انہوں نے بہت زیادہ بات کرلی، وہ اس قدر خاموش رہتے ہیں۔
انہوں نے بتایا کہ امیر گیلانی اور ان کے درمیان انتہائی اچھے دوستانہ تعلقات تھے لیکن پھر وہ اداکار کو پسند کرنے لگیں تو ان کے سامنے ادائیں دکھانے اورناز نخرے کرنے لگیں تاکہ وہ سمجھ جائیں کہ اداکارہ ان سے محبت کرتی ہیں،میری جانب سے نخرے دکھانے کے باوجود ان کے شوہر نے ان سے اظہار محبت نہیں کیا۔
اداکارہ کے مطابق وہ خود بھی امیر گیلانی سے ڈر کے مارے اظہار محبت نہیں کر رہی تھیں، کیوں کہ انہیں یہ بھی ڈر تھا کہ اگر ایسا نہ ہوا تو وہ ایک اچھے دوست سے محروم ہوجائیں گی۔
ماورا حسین نے بتایا کہ کچھ عرصے بعد امیر گیلانی کی والدہ نے انہیں بتایا کہ ان کا بیٹا ان سے محبت کرتا ہے،ان کی ساس نے بتایا کہ امیر گیلانی نے آج تک کسی لڑکی سے ایسے دوستی نہیں کی، کسی کا ایسا خیال نہیں رکھا۔
یہ بھی پڑھیں:"لاپتہ لیڈیز"سٹار نیتانشی گوئل نے بہترین اداکارہ کا آئیفاایوارڈ جیت لیا
ماورا حسین نے ہنستے ہوئے بتایا کہ ان کے شوہر کی جانب سے اظہار محبت ان کی والدہ نے کیا۔